Tags-Khushi

sukūñ hī sukūñ hai ḳhushī hī ḳhushī hai
tirā ġham salāmat mujhe kyā kamī hai

ulfat meñ mare to zindagī miltī hai
ġham laakh sahe tū ek ḳhushī miltī hai

ḳhushī se apnā ghar ābād kar ke
bahut ro.eñge tum ko yaad kar ke

mujhe us sahar kī ho kyā ḳhushī jo ho zulmatoñ meñ ghirī huī
mirī shām-e-ġham ko jo luuT le mujhe us sahar kī talāsh hai

shu.ūr-e-nau-umr huuñ na mujh ko matā-e-rañj-o-malāl denā
ki mujh ko aatā nahīñ ġhamoñ ko ḳhushī ke sāñchoñ maiñ Dhaal denā

ḳhushī ke maare zamīñ par qadam nahīñ rakhte
jab aa.e qāfile vaale qarīb manzil ke

unheñ itne dinoñ ke baa'd dekhā
ḳhushī meñ phir ye be-kal ho ga.e kyuuñ

mohabbat ke safar meñ rut bhī aatī hai judā.ī kī
hameñ us vaqt koī bhī ḳhushī achchhī nahīñ lagtī

badhā.ī chahkīñ duā.eñ gūñjī tamām chehre ḳhushī se jhūme
qubūl hai tiin baar bolī ek parda-nashīñ udāsī

kitnī hasrat se taktī rahī har ḳhushī
aur dāman mirā dhajjiyāñ ho gayā

jo be-sabāt ho us sarḳhushī ko kyā kiije
ye zindagī hai to phir zindagī ko kyā kiije

jo kahoge tum kaheñge ham bhī haañ yuuñ hī sahī
aap kī gar yuuñ ḳhushī hai mehrbāñ yuuñ hī sahī

shaam tak merī bekalī hai sharāb
shaam ko merī sarḳhushī hai sharāb

fart-e-ḳhushī se vo kahīñ āñkheñ na phoḌ le
ārām se sunāo sahar kī navīd use

ġhamoñ kī fasl meñ jis ġham ko rā.egāñ samjheñ
ḳhushī to ye hai ki vo ġham bhī phal rahā hai miyāñ

ḳhushī se ho ga.e bad-ḳhvāh mere shādī-e-marg
kafan pahan ke jo maiñ ghar se nā-gahāñ niklā

chehre pe ḳhushī chhā jaatī hai āñkhoñ meñ surūr aa jaatā hai
jab tum mujhe apnā kahte ho apne pe ġhurūr aa jaatā hai

milī jahāñ se matā-e-ḳhushī zamāne ko
ham us maqām se 'māhir' ba-chashm-e-nam guzre

isī kā naam shāyad zindagī hai
ḳhushī kī ik ghaḌī to ik ġhamī kī

tū hamesha māñgtā rahtā hai kyuuñ ġham se najāt
ġham nahīñ hoñge to kyā terī ḳhushī baḌh jā.egī