Tags-Khushi

ḳhushk āñkhoñ meñ kuchh namī ke liye
dil pareshāñ hai ik ḳhushī ke liye

chunūñ palkoñ se kab tak sañg-reze
ḳhudāvandā koī aañsū ḳhushī kā

kabhī jo had se guzar jaa.e dukh to hañstī huuñ
ḳhushī nahīñ jo mayassar talāsh kartī huuñ

kyā ḳhabar tujh ko pyaar ho ki na ho
huuñ tirī har ḳhushī ke saath magar

sitam to ye hai ki vo bhī na ban sakā apnā
qubūl ham ne kiye jis ke ġham ḳhushī kī tarah

tirī āstīn kī kahkashāñ jo nazar paḌī to machal ga.e
jo tirī ḳhushī kā nichoḌ the vahī ashk tāroñ meñ Dhal ga.e

kab ek rañg meñ duniyā kā haal Thahrā hai
ḳhushī rukī hai na koī malāl Thahrā hai

ġham ko ḳhushī kī sūrat baḳhshī
is kā bhī sehrā aap ke sar hai

kisī kī luuT ke rāhat ḳhushī nahīñ miltī
ḳhizāñ ke haath meñ sarmāya-e-bahār nahīñ

'faiz' kā dil na toḌiye sāhab
baḳhsh diije mujhe ḳhushī merī

ho ḳhushī meñ tirī ḳhushī merī
kaash aisī ho zindagī merī

kabhī ḳhushī kabhī ġham ke payām aate haiñ
kisī ke ishq meñ kyā kyā maqām aate haiñ

hañsī guloñ meñ sitāroñ meñ raushnī na milī
mile na tum to kahīñ bhī hameñ ḳhushī na milī

ḳhushī ke āñjhvāñ setī bharā.ī samdārāñ sā to
ki shah ke vasl kī daulat girī durganj hāsil meñ

apnā ġham de kar vo ruḳhsat ho gayā
dil mirā royā ḳhushī meñ der tak

log kyā samjheñge ye soche baġhair
ham bhī chillā.e ḳhushī meñ der tak

dekhā hai kahīñ gul ne tujhe jis kī ḳhushī se
phūlā hai vo itnā ki qabā meñ na samāve

ḳhushī se kab ye tinke uḌ rahe haiñ
havā ke Dar ke maare uḌ rahe haiñ

koī ḳhushī na koī rañj mustaqil hogā
fanā ke rañg se har rañg muttasil hogā

baḌe gharoñ meñ rahī hai bahut zamāne tak
ḳhushī kā jī nahīñ lagtā ġharīb-ḳhāne meñ