Tags-Khwab

haiñ apnī vahshateñ bhī bas ik ḳhvāb kā tilism
yaaro fusūn-e-vus.at-e-sahrā bhī ḳhvāb hai

āsmāñ par ik sitāra shaam se betāb hai
merī āñkhoñ meñ tumhārā ġham nahīñ hai ḳhvāb hai

raat dariyā ā.īne meñ is tarah aayā ki maiñ
ye samajh kar so gayā dariyā nahīñ ik ḳhvāb hai

kāmanī sūrat meñ bhī ik aarzū hai mahv-e-ḳhvāb
sāñvlī rañgat meñ bhī ik vasl kā kam-ḳhvāb hai

merī ḳhātir kuchh sunahrī sāñvlī miTTī bhī thī
varna us kā jism saarā raushnī kā ḳhvāb hai

kisī bahr-e-ḳhvāb kī sat.h par mujhe tairnā hai tamām shab
mirī aañkh kashtī-e-jism hai mirā bādbāñ mirā haath hai

ḳhvāb ban ke maiñ guzartā huuñ ka.ī āñkhoñ se
phir jo bhātī hai usī aañkh meñ bas jaatā huuñ

apne ḳhvāb ke hāthoñ meñ takle kī nok chubho leñ
kisī mahal ke sannāTe meñ ek sadī tak so leñ

ik manzar meñ ik dhuñdle se aks meñ chhup ke ro leñ
ham kis ḳhvāb meñ āñkheñ mūñdeñ kis meñ āñkheñ kholeñ

tamām-umr kī ġhaflat ke ba.ad ḳhvāb aayā
uThā jo parda-e-hastī mujhe hijāb aayā

ajal-nasīb thā shām-e-visāl ḳhvāb aayā
vo be-hijāb hue to mujhe hijāb aayā

sunā.īñ kyā tumheñ nairañg-e-ishq kā qissa
tamām-umr na āñkheñ khulīñ na ḳhvāb aayā

taḳhayyul kī ūñchī uḌānoñ se aage
jahāñ ḳhvāb TuuTe paḌe haiñ

maiñ kuchh bhī soch saktā huuñ maiñ kuchh bhī dekh saktā huuñ
ḳhayāl-o-ḳhvāb pe pahra mujhe achchhā nahīñ lagtā

be-dimāġhī hai bajā us ke fasāne se mirī
ḳhvāb kyā laave vo pinhāñ ho jis afsāne meñ aag

ye ḳhvāb kā aalam hai ki lamhāt haiñ sākit
maiñ ab bhī vahīñ baiThā huuñ mahfil bhī vahī hai

jab aanā ḳhvāb meñ haule se narmī se qadam rakhnā
garāñ hai ik zarā aahaT tire mahv-e-tasavvur ko

havā-mahl meñ sajāyā thā tum ne jab darbār
koī ġharīb bhī aayā thā ḳhvāb meñ likhnā

ḳhaak se ḳhvāb talak ek sī vīrānī hai
mere andar mire bāhar kī bayābānī hai