Tags-Khwab

ab harf-e-tamannā ko samā.at na milegī
bechoge agar ḳhvāb to qīmat na milegī

ta.abīr nazar aane lagī ḳhvāb kī sūrat
ab ḳhvāb hī dekhoge bashārat na milegī

saarī bāteñ ye ḳhvāb kī sī haiñ
zindagī duur kī sadā hai abhī

hamāre ghar ke āñgan meñ sitāre bujh ga.e lākhoñ
hamārī ḳhvāb gāhoñ meñ na chamkā sub.h kā sūraj

manzil kahāñ hai duur talak rāste haiñ yaar
kis justujū meñ ḳhvāb ke ye qāfile haiñ yaar

maiñ ne jis ḳhvāb ko āñkhoñ meñ basā rakkhā hai
tū bhī zālim mire us ḳhvāb kī ta.abīr meñ hai

vo mire pūchhne ko aa.e haiñ sach-much 'aḳhtar'
yā koī ḳhvāb-e-hasīñ manzil-e-ta.abīr meñ hai

nigāh-e-dil se jis din usva-e-shabbīr dekheñge
ḳhalīlullāh apne ḳhvāb kī ta.abīr dekheñge

qindīl-e-rāhib kā jaadū āsebī tāroñ ke moḌ
kaaT ke vaqt kī ik parchhā.īñ ḳhvāb-numā sī chaltī hai

na jaane kab kisī ke ḳhvāb se ye dil dhaḌak jaa.e
agar sone lago to haath siine par dhare rakhiyo

niiñd ko ham kabhī zaa.e.a nahīñ hone dete
le ke bistar se hasīñ ḳhvāb uThā karte haiñ

bujhtī āñkhoñ meñ tire ḳhvāb kā bosa rakkhā
raat phir ham ne añdheroñ meñ ujālā rakkhā

mīThe ḳhvāb bhī ham dekheñ gar mausam ho
lambī gahrī mīThī nīndeñ sone kā

kuchh itne zor kā aayā thā zalzala kal raat
agar maiñ jaag na jaatā to ḳhvāb mar jaatā

barfāb ḳhvāb jab mirī āñkhoñ meñ aa base
ik hashr kī numūd meñ rakkhā gayā mujhe

bas ek motī sī chhab dikhā kar bas ek mīThī sī dhun sunā kar
sitāra-e-shām ban ke aayā ba-rañg-e-ḳhvāb-e-sahar gayā vo

hai manzil-e-ta.amīr meñ ta.abīr kā sūraj
ye ḳhvāb adhūrā hai abhī jāgte rahnā

ḳhvāb-e-be-ta.abīr sī socheñ mire kis kaam kī
sochtā itnā to vo dast-e-atā dete hue

mirī āñkhoñ kā bas ik ḳhvāb thī vo hasrat-e-pinhāñ
jo ḳhud un kī nigāhoñ kā taqāzā ho ga.ī āḳhir

TuuT kar reza hue jaate haiñ sab ḳhvāb mire
kah do girya na kare chashm-e-tamāshā.ī ko