Tags-Khwab

bhaa.ī sabhī pasand kī shādī ke haq meñ the
bahnoñ ne ḳhvāb dekhe to ġhairat meñ aa ga.e

kisī ko ḳhvāb meñ aksar pukārte haiñ ham
'atā' isī liye sote meñ hoñT hilte haiñ

tishnagi-e-lab pe ham aks-e-āb likkheñge
jin kā ghar nahīñ koī ghar ke ḳhvāb likheñge

ġham nahīñ jo ḳhvāboñ kī luT ga.ī haiñ ta.abīreñ
ham nazar ke tāqoñ meñ aur ḳhvāb likkheñge

yaad par uñgliyāñ uThātī huuñ
ḳhvāb par tohmateñ lagātī huuñ

nā kahīñ ḳhvāb jaan jaa.eñ mirā
phuul se titliyāñ uḌātī huuñ

maiñ tirā ḳhvāb dekhne ke liye
niiñd kī raushnī banātī huuñ

aañkh ko ḳhushk kar liyā maiñ ne
ḳhvāb sailāb meñ bahātī huuñ

aane vaale dinoñ kī dhundlī tasvīreñ
ga.e dinoñ ke ḳhvāb dikhātī rahtī haiñ

maiñ le uḌūñgā tire ḳhadd-o-ḳhāl se ta.abīr
na dekh merī taraf chashm-e-nīm-ḳhvāb ke saath

shikasta aa.ina dekhā phir apnā dil dekhā
dikhā.ī dī mujhe tābīr-e-ḳhvāb ḳhvāb ke saath

tamām ḳhvāb the vābasta us ke hone se
so merī aañkh bhī bas sāya-e-shajar meñ lagī

maiñ kaun sā ḳhvāb dekhtā huuñ
ye kaun se mulk kī fazā hai

ik tamannā ke liye phirtī hai sahrā sahrā
zindagī roz koī ḳhvāb nayā likhtī hai

tire darīche ke ḳhvāb dekhe the raqs karte hue dinoñ meñ
ye din to dekho jo aaj niklā hai dast-o-pā sab kaTe hue haiñ

'saurabh' shab thī ek varaq saada jis par
likh likh kar ham ḳhvāb miTāyā karte the

ek ḳhāmosh sī āvāz meñ kuchh gaate haiñ
raat ke ḳhvāb jo jugnū kī tarah aate haiñ

'āzar' ik mauhūm sī hai ummīd abhī
jis ke sahāre ḳhvāb sunahre buntā huuñ

sūraj kī kiran dekh ke bezār hue ho
shāyad ki abhī ḳhvāb se bedār hue ho

sarāb-e-ḳhvāb kī ta.abīr jū-e-āb sahī
maiñ sochtā huuñ magar dasht-e-tishnagī ke liye