Tags-Khwab

kaañ u dekhā hai ḳhvāb meñ maḳhmal
tujh kaf-e-pā meñ jo safā.ī hai

ḳhvāb kī ta.abīr kā qissa nirālā ban gayā
ḳhud-farebī zindagī kā ab salīqa ban gayā

jis tarah ḳhvāb mire ho ga.e reza reza
us tarah se na kabhī TuuT ke bikhre koī

shab bhar ik āvāz banā.ī sub.h huī to chīḳh paḌe
roz kā ik ma.amūl hai ab to ḳhvāb-zada ham logoñ kā

ik ḳhvāb hī to thā jo farāmosh ho gayā
ik yaad hī to thī jo bhulā dī ga.ī to kyā

kabhī jo āñkhoñ meñ pal-bhar ko ḳhvāb jāgte haiñ
to phir mahīnoñ musalsal azaab jāgte haiñ

purāne ḳhvāboñ se reza reza badan huā hai
ye chāhtā huuñ ki ab nayā koī ḳhvāb dekhūñ

tamāshā.ī darīche meñ thiraktī surḳh ā.ankhoñ ke tilism-e-ḳhvāb meñ gum haiñ
magar sahmī huī kaTh-putliyoñ kī zindagī hai āḳhirī tamsīl kī zad meñ

bedārī-e-vajūd hai ḳhvāb-e-adam meñ ġharq
lab band ho ga.e yahī shor-e-nushūr hai

band āñkhoñ meñ ek aalam hai
kisī manzar kā ḳhvāb dil meñ hai

ye kaise ḳhvāb kī ḳhvāhish meñ ghar se niklā huuñ
ki din meñ chalte hue niiñd aa rahī hai mujhe

matā-e-dirham-o-dīnār par nahīñ mauqūf
maiñ so gayā to mire ḳhvāb tak churā.e ga.e

junūñ meñ ziist thī apnī tilism-e-bedārī
qazā ne aa ke sulāyā to ham ko ḳhvāb aayā

tere saare ḳhvāb hī 'zākir' bhiig chuke
dil kī zamīñ par ashkoñ kī barsāt hai kyā

mere is dīda-e-ḳhūñ-nāb ke pīchhe pīchhe
ek be-ḳhvābī hai is ḳhvāb ke pīchhe pīchhe

jis kī takmīl pe āñkheñ bhī ga.iiñ dil bhī gayā
umr guzrī thī usī ḳhvāb ke pīchhe pīchhe

ye kaun sāvanoñ meñ ḳhvāb dekhtā hai dhuup ke
ye kis ne e'tibār-e-ġham pas-e-gumān kho diyā

bachā liyā thā ḳhvāb jo masāfatoñ kī dhuup se
vo abr-o-bād manzaroñ ke darmiyān kho diyā

vo jin ke naam pe nikleñgī kal kī ta.abīreñ
kiye haiñ ḳhvāb muqaffal vo qaid ḳhānoñ meñ

zindagī ḳhvāb-e-pareshāñ hai bahār ek ḳhayāl
in ko milne se bahut pahle ye sochā hotā