Tags-Khwab

aañkh khulte hī jabīñ chūmne aa jaate haiñ
ham agar ḳhvāb meñ bhī tum se laḌe hote haiñ

talab kareñ to ye āñkheñ bhī in ko de duuñ maiñ
magar ye log in āñkhoñ ke ḳhvāb māñgte haiñ

maiñ jis ḳhayāl ko apnā junūñ samajhtā thā
vahī ḳhayāl zamāne kā husn-e-ḳhvāb banā

sarā-e-dil meñ jagah de to kaaT luuñ ik raat
nahīñ ye shart ki mujh ko sharīk-e-ḳhvāb banā

bane haiñ ḳhvāb ke jhoñke nasīm-e-ḳhuld-nashīñ
sulūk-e-dahr jahāñ ātish-e-azāb banā

na ham ne aañkh laḌā.ī na ḳhvāb meñ dekhā
magar tumheñ dil-e-ḳhāna-ḳharāb meñ dekhā

maiñ ne ik din ḳhvāb meñ dekhā ki ik mujh sā faqīr
gardish-e-paimāna-e-imroz-o-fardā kā asiir

ḳhvāb hī meñ dekh le tābīr-e-ḳhvāb
kaun aisā pesh-bīñ hai ishq hai

tamām ḳhalq-e-ḳhudā dekh ke ye hairāñ hai
ki saarā shahr mire ḳhvāb se pareshāñ hai

riyāz-e-marqad-e-mehrāb meñ basar kī hai
muzashtarāb ajab ḳhvāb meñ basar kī hai

vo ḳhvāb hī sahī pesh-e-nazar to ab bhī hai
bichhaḌne vaalā sharīk-e-safar to ab bhī hai

har ik talāsh yahāñ fāsloñ se raushan hai
haqīqateñ kahāñ hotī haiñ ḳhvāb meñ shāmil

jism-o-jāñ Duub ga.e ḳhvāb-e-farāmoshī meñ
ab koī baat burī ho ki bhalī yaad nahīñ

ḳhvāb kā rishta haqīqat se na joḌā jaa.e
ā.īna hai ise patthar se na toḌā jaa.e

ġhair ne aa kar nahīñ kī gudgudī gar ḳhvāb meñ
niiñd se kyuuñ is tarah hañstā huā khil-khil uThā

phir bistar se uThne kī bhī mohlat kab miltī hai 'ādil'
niiñd meñ aatī haiñ āvāzeñ ḳhvāb meñ lashkar aa jaate haiñ

pārsā ḳhvāb sabhī us ke tasarruf meñ rahe
raat bhī ho ga.ī badkār kahāñ jā.ūñ maiñ

ḳhvāb-ālud nigāhoñ se ye kahtā guzrā
maiñ haqīqat thā jo ta.abīr meñ rakkhā gayā thā

bedār ho ga.e haiñ jo ḳhvāb-e-girāñ se ham
aage nikal ga.e haiñ zabān-o-makāñ se ham

socheñ haiñ ḳhvāb-ḳhvāb to tahrīr āb-āb
ham kyā kaheñ ki kaun yahāñ nek-o-bad huā