Collections

Lab Shayari

Motivational Ghazals

Best Khamoshi Shayari

More Collections

Tags-Khwab

gah is fasīl-e-yād kī qindīl par nigāh
gah asp-e-harf-o-ḳhvāb kī raftār dekhnā

is shahr-e-kaj-kulah ke aasar dekhna

hadisā maut nahīñ insāñ kī
hādisa ḳhvāb kā mar jaanā hai

jo ye kahte the ki mar jaana hai

na jaane kaun mire ḳhvāb le gayā mujh se
ki umr bhar na kabhī phir ye sā.ebān khulā

sitara TuT ke bikhra aur ek jahan khula

māh-o-ḳhurshīd zamīñ par nahīñ utre ab tak
merā har ḳhvāb abhī parda-e-ta.abīr meñ hai

ek tarannum sa mere paon ki zanjir mein hai

sab vāqi.āt haiñ magar allāh-re inqalāb
aaj un pe hai gumāñ kasī rañgīn ḳhvāb kā

kya kahiye ru-e-husn pe aalam naqab ka

but-ḳhāne se dil apne uThā.e na ga.e
ka.abe kī taraf mizāj laa.e na ga.e

کچھ خواب سی ہے میرؔ یہ صحبت داری

phir rahā hai jo ik bagūla sā
ḳhvāb us kā bikhar gayā hogā

KHud se koi mukar gaya hoga

soī hasrat jagā gayā koī
ḳhvāb mujh ko dikhā gayā koī

soi hasrat jaga gaya koi

raqs karte hī rahe ḳhvāb dhunoñ par lekin
saañs ke taar sabhī soz-e-nihāñ se guzre

kya bataen gham-e-furqat mein kahan se guzre

ye duniyā jis ghaḌī guzrī yahāñ se
maiñ tere ḳhvāb meñ khoyā huā thā

shajar se mil ke jo rone laga tha

tumheñ jaanā hai chale jaao magar shart ye hai
ki bilā-nāġha tumheñ ḳhvāb meñ aanā paḌegā

ahd-e-sad-maslahat-andesh nibhana paDega

kyuuñ javānī kī mujhe yaad aa.ī
maiñ ne ik ḳhvāb sā dekhā kyā thā

partaw-e-saghar-e-sahba kya tha

palak jhapakte hī tahlīl ho na jaa.e kahīñ
abhī to ḳhvāb sā manzar nazar meñ rakkhā hai

andheri raat ko din ke asar mein rakkha hai

ḳhudā ke ghar meñ vo barrā rahā hai ai rindo
jagāo shaiḳh ko chiḌko ba-rū-e-ḳhvāb sharāb

baghair yar gawara nahin kabab sharab

shāyāñ tumhārī shaan ke ye zindagī nahīñ
tum kyuuñ hamāre ḳhvāb-e-pareshāñ meñ aa ga.e

jate kahan junun ke tufan mein aa gae

mujh ko ḳhvāb-o-ḳhayāl hai manzil
qāfila shauq se ravāna ho

barq ka Thik agar nishana ho

ḳhvāb na dekhūñ to 'amabar'
shāyad maiñ bhī mar jā.ūñ

kyun main bar-e-digar jaun

ḳhvāb-dushman haiñ zamāne vaale
ḳhvāb palte nahīñ dekhe jaate

ashk Dhalte nahin dekhe jate

raat ke āḳhirī aañsū kī tarah Duub gayā
ḳhvāb-añgez nigāheñ vo lab-e-dard-fareb

mahrumi

har ḳhvāb shikasta hai ta.amīr-e-nasheman kā
har sub.h ke māthe par bāzār kī garmī hai

attar ke maskan mein ye kaisi udasi hai