Tags-Khwab

sitāre sab mire mahtāb mere
abhī mat TūTnā ai ḳhvāb mere

kisī ne ḳhvāb ke reze palak palak chun kar
jo shāhkār banāyā hai TuuT saktā hai

ḳhvāb sach karne chalā thā gaañv se maiñ shahr ko
niiñd bhī kho kar yahāñ 'ālok' pachhtātā huuñ maiñ

ridā-e-jān pe dohrā azaab buntā huuñ
maiñ roz jāgtī āñkhoñ meñ ḳhvāb buntā huuñ

jab ek ḳhvāb kā maḳhmal ho tār-tār 'nadīm'
maiñ dasht-e-vahm meñ phir ik sarāb buntā huuñ

kab se banjar thī nazar ḳhvāb to aayā
shukr hai dasht meñ sailāb to aayā

vo ḳhvāb ban ke aañkh se phūTā to hai magar
ik ashk ban gayā hai sharāra nahīñ huā

raat āñkhoñ meñ ḳhvāb aa.e the
muskurāte janāb aa.e the

ajiib ḳhvāb thā ta.abīr kyā huī us kī
ki ek dariyā havāoñ ke ruḳh pe bahtā thā

jo maiñ ne kabhī niiñd meñ dekhā hī nahīñ thā
dukh ye hai ki us ḳhvāb kī ta.abīr huā maiñ

mire bāzuoñ meñ thakī thakī abhī mahv-e-ḳhvāb hai chāñdnī
na uThe sitāroñ kī pālkī abhī āhaToñ kā guzar na ho

kaun thā vo ḳhvāb ke malbūs meñ lipTā huā
raat ke gumbad se Takrā kar palaT aa.ī sadā

vo umañgeñ nahīñ ab vo dil-e-nāshād nahīñ
vāqi.a ḳhvāb sā kuchh yaad hai kuchh yaad nahīñ

naam hī kyā nishāñ hī kyā ḳhvāb-o-ḳhayāl ho ga.e
terī misāl de ke ham terī misāl ho ga.e

karūñgā kaam vahī jo diyā gayā hai mujhe
meñ ḳhvāb dekhūñgā aur ḳhvāb hī dikhā.ūñgā

uTho ye manzar-e-shab-tāb dekhne ke liye
ki niiñd shart nahīñ ḳhvāb dekhne ke liye

vahī bai.at-e-ġham-e-hijr thī vahī kashf-e-hujra-e-vasl thā
maiñ murīd-e-halqa-e-ḳhvāb thā so qarīn-e-murshid-e-lab rahā

ḳhvāb dekhā ho jin kī āñkhoñ ne
sub.h-e-nau bas unheñ bulātī hai

dikhā.ī detā hai jo kuchh kahīñ vo ḳhvāb na ho
jo sun rahī huuñ vo dhokā na ho samā.at kā