Collections

Lab Shayari

Motivational Ghazals

Best Khamoshi Shayari

More Collections

Tags-Khwab

said huuñ roz-e-azal se ālam-e-asbāb kā
aur vā rakhtā huuñ siine meñ darīcha ḳhvāb kā

said hun roz-e-azal se aalam-e-asbab ka

har taraf ḳhvāb vahī ḳhvāb vahī ik chehra
ab kisī taur mere ghar se ye malba nikle

jo bhi nikle teri aawaz lagata nikle

niind aatī hai magar jaag rahā huuñ sar-e-ḳhvāb
aañkh lagtī hai to ye umr guzar jaanī hai

rang-e-mahfil se fuzun-tar meri hairani hai

chuum lo us ko isī ālam-e-madhoshī meñ
āḳhir-e-ḳhvāb vahī be-sar-o-sāmānī hai

rang-e-mahfil se fuzun-tar meri hairani hai

jo de sako to ḳhunuk saa.e do mohabbat ke
ḳhayāl-o-ḳhvāb kī duniyā meñ jal rahā huuñ maiñ

KHala-e-zehn ke gumbad mein gunjta hun main

ḳhvāb-o-ḳhur se tire bīmār ko kyā kaam ki hai
lazzat-e-ḳhvāb na kuchh is ko na khāne kā mazā

dekhiyo uski zara aankh dikhane ka maza

raat pahlū meñ tire guzregī
ḳhvāb to sirf bahāna hai dil

kab meri baat tu mana hai dil

aatā hī nahīñ hone kā yaqīñ kyā baat karūñ
hai duur bahut vo ḳhvāb-nashīñ kyā baat karūñ

aata hi nahin hone ka yaqin kya baat karun

kyā baat karūñ mire sāthī mujh se chhūT ga.e
vo log nahīñ vo ḳhvāb nahīñ kyā baat karūñ

aata hi nahin hone ka yaqin kya baat karun

usī ke rahtā huuñ ḳhvāb-o-ḳhayāl meñ aksar
magar kabhī kabhī apne yahāñ bhī hotā huuñ

mere nishan bahut hain jahan bhi hota hun

vaqt se pahle daraḳhtoñ pe samar aane lage
raat aa.ī bhī nahīñ ḳhvāb-e-sahar aane lage

waqt se pahle daraKHton pe samar aane lage

ham jhulaste kamroñ meñ
paanī ke ḳhvāb dekhne ke liye

zindagi apna faisla KHud likhegi

utar rahā thā samundar sarāb ke andar
bichhaḌ ke ḳhud se milā jab maiñ ḳhvāb ke andar

utar raha tha samundar sarab ke andar

rageñ khiñchīñ to badan ḳhvāb kī tarah TuuTā
ḳhalā kā zo.am bharā thā habāb ke andar

utar raha tha samundar sarab ke andar

apnā matlūb-o-maqsūd ab kuchh nahīñ
ḳhvāb bante rahe aur bikharte rahe

zindagi ka safar tai to karte rahe

nazar rāhat pe merī kar na va.ada shab ke aane kā
ki merī ḳhvāb-bandī ke liye hogā fusūñ vo bhī

bisat-e-ijz mein tha ek dil yak qatra KHun wo bhi

ab 'hasan' miltā hai bāzār-e-ziyāñ meñ aksar
aisā lagtā hai koī ḳhvāb gañvā baiThā hai

ek be-nam sa Dar sine mein aa baiTha hai

aadhā falak ke paas thā aadhā zamīn par
maiñ nā-tamām ḳhvāb thā badar-e-munīr kā

phulon mein ek rang hai aaankhon ke nir ka

aisī kyā thiiñ itaab kī bāteñ
maiñ to kahtā thā ḳhvāb kī bāteñ

aisi kya thin itab ki baaten

aayā na ḳhvāb meñ bhī kabhī apnā kuchh ḳhayāl
ham is qadar añdheroñ ujāloñ meñ ghir ga.e

be-tabiyon mein ashkon mein nalon mein ghir gae