Tags-Khwab

ḳhvāb ḳhushbū-e-talab rañg-e-havas nāz-e-vafā
saarā sarmāya gayā chaliye yahāñ se chaliye

tanhā.ī se aatī nahīñ din raat mujhe niiñd
yā-rab mirā ham-ḳhvāb o ham-āġhosh kahāñ hai

shaam jhukī thī bahr par pāgal ho kar rañg se
yā tasvīr thī ḳhvāb meñ mere kisī ḳhayāl kī

āñkhoñ meñ haiñ jo ḳhvāb koī jāntā nahīñ
is dil kā iztirāb koī jāntā nahīñ

din nikalte hī mire ḳhvāb bikhar jaate haiñ
roz girtā hai isī farsh pe gul-dān mirā

mujh ko jis naav meñ aanā thā kahīñ Duub ga.ī
ḳhvāb hai niiñd ke sāhil pe pareshān mirā

jahāñ se ḳhvāb āñkhoñ meñ jage the
jahāñ se phuul juuḌe meñ saje the

na koī aks-e-munavvar na manzar-e-ḳhush-rañg
ye kaise ḳhvāb ke bistar pe so rahā huuñ maiñ

pyaas bujhāne aate haiñ dukh dard parinde raat ga.e
ḳhvāb kā chashma phūTā thā āñkhoñ meñ ab tak jaarī hai

merī be-ḳhvāb nigāheñ haiñ samundar shab hai
vaqt tham tham ke jo guzre hai sahar ko tarse

kisī ḳhvāb kī phir se dastak hai shāyad
dar-e-dil mujhe kholnā paḌ gayā hai

kaise pur-asrār chehre haiñ 'rasā'
ḳhvāb-gāh-e-shīsha-gar ke ās-pās

bikhar na jaanā jarāhat-navāzi-e-shab par
mashām-e-jāñ ko abhī ḳhvāb āshnā rakhnā

tamām manzar-e-jāñ us kī ḳhvāhishoñ se banā
vo ḳhvāb hai to use ḳhvāb meñ sajā rakhnā

kabhī dikhā de vo manzar jo maiñ ne dekhe nahīñ
kabhī to niind meñ ai ḳhvāb ke farishte aa

apne jiine ke ham asbāb dikhāte haiñ tumheñ
dosto aao ki kuchh ḳhvāb dikhāte haiñ tumheñ

ḳhvāhishoñ kā ḳhamyāza ḳhvāb kyuuñ bhareñ 'ādil'
aaj merī āñkhoñ se rat-jagā alag rakhnā

kisī kā kuchh bigāḌā hī nahīñ ham ne zamāne meñ
hameñ to ḳhvāb likhne kī sazā miltī rahī hai

phir vahī raat jo tanhā.ī ke āġhosh rahī
ik unīdī sī ġhazal ḳhvāb meñ mad.hosh rahī

niiñd se pahle jhilmil karte aa jaate haiñ ḳhvāb-e-mujassam
so jā.ūñ to jo bhī dekhūñ ḳhvāb bhulānā paḌ jaatā hai