Tags-Khwab

sar rakh ke so gayā huuñ ġhamoñ kī salīb par
shāyad ki ḳhvāb le uḌeñ hañstī fazāoñ meñ

maiñ zindagī ke hazāroñ azaab jhel gayā
azaab kyā haiñ maiñ kitne hī ḳhvāb jhel gayā

merā man ik ḳhvāb-nagar hai
mere man kī galiyoñ, bāzāroñ aur chaurāhoñ meñ

merā man ik ḳhvāb-nagar hai
mere man meñ

merā man ik ḳhvāb-nagar hai
mere man meñ

merā man ik ḳhvāb-nagar hai
mere man kī galiyoñ, bāzāroñ aur chaurāhoñ par

vo jo ḳhvāb le ke chale the ham vo kahāñ gayā
vo jo us ke ġham meñ niDhāl the vo kahāñ ga.e

ye jo log mere qarīb haiñ ye kahāñ ke haiñ
vo jo husn-e-ḳhvāb-o-ḳhayāl the vo kahāñ ga.e

dil par asar-e-ḳhvāb hai halkā halkā
jaise koī paimāna ho chhalkā chhalkā

thapak thapak ke jinheñ ham sulāte rahte haiñ
vo ḳhvāb ham ko hamesha jagāte rahte haiñ

vo naqsh-e-ḳhvāb mukammal kabhī nahīñ hotā
tamām umr jise ham banāte rahte haiñ

sub.h-e-daraḳhshāñ apne vatan meñ ḳhvāb-e-pareshāñ apne vatan meñ
kaif-e-musalsal raqs-e-bahārāñ jalva-e-ḳhandāñ apne vatan meñ

bhuul jā 'nāzir' apnā maazī aish-e-guzishta ḳhvāb thā goyā
tere muqaddar meñ hai Thokar tū hai pareshāñ apne vatan meñ

ab un kī raakh palkoñ par jamī hai
ghaḌī bhar ḳhvāb chamke the sharar se

hastī hī apnī kyā hai zamāne ke sāmne
ik ḳhvāb haiñ jahāñ meñ bikhar jaa.eñ ham to kyā

ḳhvāb aañsū ehtajājī zindagī
pūchhiye mat shahr-e-kalkatta hai kyā

jaane kyā kyā ḳhvāb bune the, pahle sāvan meñ, maiñ ne
jaane is par kyā kyā likkhā pahlī pahlī bārish meñ

Thahre paanī meñ nihāñ ek hasīñ ḳhvāb bhī hai
aas kī jhiil meñ aks-e-ruḳh-e-mahtāb bhī hai

ye tamannāoñ kī sūkhī huī nadī 'aḳhtar'
apnī āñkhoñ meñ sajā.e hue ik ḳhvāb bhī hai

jaagā to māhtāb kī kunjī sirhāne thī
maiñ ḳhvāb meñ thā jab mujhe raushan nagar diyā