Tags-Khwab

ḳhvāb-e-ġhaflat 'mehr' kab tak jāgiye uTh baiThiye
sub.h hone aa.ī shab guzrī fasāna ho chukā

jahān-e-reg ke ḳhvāb-e-girāñ se aaj to jaag
hazāroñ qāfile aate rahe guzarte rahe

maiñ bhāv-tāv agar kartā to vo ḳhvāb-farosh
qayās hai mirī auqāt tak pahuñch jaatā

aaj kyā dekhā ḳhalāoñ ke sunahre ḳhvāb meñ
regzāroñ ke sivā kuchh bhī nahīñ mahtāb meñ

nisf shab ko niiñd meñ chaltā huā paikar koī
naqsh-e-pā kyuuñ chhoḌ jaatā hai dayār-e-ḳhvāb meñ

maiñ sehr-e-ḳhvāb se uTThā to dekhā
koī khiḌkī meñ sūraj rakh gayā thā

majma.a meñ raqīboñ ke khulā thā tirā juuḌā
kal raat ajab ḳhvāb-e-pareshāñ nazar aayā

āñdhiyoñ kā ḳhvāb adhūrā rah gayā
haath meñ ik sūkhā pattā rah gayā

jab koī fikr jabīñ par huī raqsāñ maiñ ne
ḳhvāb āñkhoñ meñ rakhe āñkhoñ pe palkeñ rakh diiñ

ban ke ta.abīr bhī aayā hotā
nit-na.e ḳhvāb dikhāne vaalā

is dil ke saare ḳhvāb mohabbat ke sab gulāb
ik sher se khile kabhī ik nazm se mile

hamrāh chal rahā thā falak bhī tamām shab
yuuñ ahal-e-ḳhāk-o-ḳhvāb mah-o-najm se mile

ḳhush huuñ ki kisī kī mahfil meñ arzāñ thī matā-e-bedārī
ab āñkheñ haiñ be-ḳhvāb to kyā ab ḳhvāb haiñ be-tābīr to kyā

kyuuñ ye hujūm-e-shor-o-shaġhab hai nushūr meñ
aisā to 'sheftā' hameñ ḳhvāb-e-girāñ nahīñ

shab ḳhvāb meñ mo.āmla us mah-jabīñ se 'aish'
vo paT gayā jo apne na vahm-o-gumāñ meñ thā

jab se ik ḳhvāb kī ta.abīr milī hai mujh ko
maiñ har ik ḳhvāb kī ta.abīr se ghabrātā huuñ

raat āñgan meñ chāñd utrā thā
tum mile the ki ḳhvāb dekhā thā

khaao ḳhvāb yā lahrāo sāġhar
maiñ ḳhud ko bhuul jaanā chāhtā huuñ

zindagī meñ kul milā kar dekheñ to
ḳhvāb aur taqdīr gardish karte hai