Tags-Khwab

yuuñ to kyā ḳhvāb meñ bhī yaar kā milnā mālūm
apne gar aah yahī tāla-e-bedār rahe

jā-ba-jā bikhre paḌe haiñ saare aazā ḳhvāb ke
zer-e-mizhgāñ kis ne ye shab-ḳhūn maarā hai abhī

pas-e-nazzāra koī ḳhvāb-e-gurezāñ hī na ho
dekhne meñ to tamāshā nazar aatā hai mujhe

maiñ uḌtā rahtā huuñ niile samundaroñ meñ kahīñ
so titliyoñ ke liye ḳhvāb laatā rahtā huuñ

band āñkhoñ se batā sakte haiñ vo ḳhvāb nagar
is jagah jhiil thī yaañ ham the vahāñ jharnā thā

hijr thā yā visāl kis kā thā
ḳhvāb thā yā ḳhayāl kis kā thā

kaTtā hai din us ke hī dilkash ḳhayāloñ meñ sadā
shab mile hai ḳhvāb meñ koī parī-tal.at mujhe

ḳhvāb chubhte rahe haiñ āñkhoñ meñ
rañg vaise hī laal thoḌī hai

manāzir-e-shab-e-rafta ḳhayāl-o-ḳhvāb hue
vo ashk the ki sitāre sabhī ḳharāb hue

apnī āñkhoñ meñ hasīñ ḳhvāb sajā.e rakkho
laakh tūfān uTheñ sham.a jalā.e rakkho

fasl-e-gul meñ maze uḌā.eñge
ye tamannā bhī ḳhvāb ho ke rahī

aks ā.īne se pahle thā to phir 'siddīqī' kyuuñ
ḳhvāb se pahle na dekhā ḳhvāb kī ta.abīr ko

na pūchh dekh ke kitnā malāl hotā hai
jo ḳhvāb dekhne vāloñ kā haal hotā hai

marī vafā ne khilā.e the jo gulāb saare jhulas ga.e haiñ
tumhārī āñkhoñ meñ jis qadar the vo ḳhvāb saare jhulas ga.e haiñ

ḳhvāb haiñ aur kuchh malāl bhī haiñ
aañkh meñ sirf ratjage hī nahīñ

ḳhvāb sā kuchh ḳhayāl hai lekin
jaan par ik azaab rahtā hai

tire hijr meñ ḳhur-o-ḳhvāb kā ka.ī din se hai yahī silsila
koī luqma haath se gir paḌā to ḳhayāl terī taraf gayā

niiñd pichhlī sadī kī zaḳhmī hai
ḳhvāb aglī sadī ke dekhte haiñ

aa ḳhvāb meñ kisī din ai rashk-e-māh-e-tābāñ
kar de zarā munavvar kāshāna zindagī kā

sabā kā haath thaam kar 'adā' na chal sakogī tum
tamām umr ḳhvāb ḳhvāb sā.atoñ ke darmiyāñ