Tags-Khwab

ḳhudā na laa.e vo din ki terī sunahrī nīndoñ meñ farq aa.e
mujhe to yuuñ apne hijr meñ umr bhar ko bezār-e-ḳhvāb kar de

mere ghar meñ taḌap rahī hai raat
ḳhvāb jaane kahāñ luTā aa.ī

kab tak ye ḳhvāb-e-ġhaflat jaago 'urūj' jaago
ab dhuup baḌhte baḌhte sar par hī aa ga.ī hai

ḳhvāb dekhne vaalī āñkheñ patthar hoñgī tab socheñge
sundar komal dhyān titliyāñ be-par hoñgī tab socheñge

bastī tamām ḳhvāb kī vīrān ho ga.ī
yuuñ ḳhatm shab huī sahar āsān ho ga.ī

kal to aa.egā magar aaj na aa.egā kabhī
ḳhvāb-e-ġhaflat meñ jo haiñ un ko jagāte chaliye

maiñ apne ḳhvāb se bichhḌā nazar nahīñ aatā
to is sadī meñ akelā nazar nahīñ aatā

ḳhvāb kī raah meñ aa.e na dar-o-bām kabhī
is musāfir ne uThāyā nahīñ ārām kabhī

ai ḳhvāb-e-ḳhanda
tujhe to maiñ DhūñDne chalā thā

shab-e-tarab hai ai ḳhvāb-e-ḳhanda
shab-e-tarab meñ marī talab kā rabāb ban jā

dalīl-e-ḳhvāb-e-mastī hai tirī āmādgī imshab
magar is shab meñ tujh se aur koī kaam rakhtā huuñ

makāñ meñ kyā koī vahshī havā dar aa.ī thī
tamām pairahan-e-ḳhvāb paara paara thā

ham ḳhāk-nashīnoñ kī yahāñ kaun sunegā
ūñche haiñ bahut ḳhvāb ke darbār mire yaar

ik tahayyur meñ paḌā huuñ nahīñ miltā hai pata
chashm-e-be-ḳhvāb meñ ye sūrat-e-hasrat kyā hai

koī to ḳhvāb ke us paar bhī pahuñch jaatā
zarā sā jāgte aur kashtiyāñ banāte ham

ḳhvāb hamārī galiyoñ ke gande paanī par
machchhar-mār davā.eñ haiñ

āhista-ravī shahr ko kāhil na banā de
ḳhāmoshi-e-ġham ḳhvāb kā maa.il na banā de

jo le ke un kī tamannā ke ḳhvāb niklegā
ba-ijz-o-shauq ba-hāl-e-ḳharāb niklegā

abhī to sub.h huī hai shab-e-tamannā kī
baheñge ashk to āñkhoñ se ḳhvāb niklegā

sote meñ vo jo mujh se ham-āġhosh ho ga.e
jitne gile the ḳhvāb-e-farāmosh ho ga.e