Tags-Khwab

detā huuñ apne lab ko bhī gul-barg se misāl
bose jo ḳhvāb meñ tire ruḳhsār ke liye

ḳhvāb achchhe raheñge an-dekhe
ḳhaak achchhī rahegī sone ko

pañkh-pakherū ḳhvāb se chauñke sab ne ḳhushī ke na.are maare
aa.ī sadā murġhān-e-sahar kī chauñk musāfir raat nahīñ hai

haa.e vo log ga.e chāñd se milne aur phir
apne hī TuuTe hue ḳhvāb uThā kar le aa.e

maiñ jidhar jā.ūñ mirā ḳhvāb nazar aatā hai
ab ta.āqub meñ vo mahtāb nazar aatā hai

ye na.e daur kā bāzār hai 'ālam'-sāhib
is jagah TaaT bhī kam-ḳhvāb nazar aatā hai

jo regzār-e-badan meñ ġhubār uḌtā ho
to chashm-e-ḳhāk-e-rasīda meñ ḳhvāb kyā rakhnā

ab mujhe niiñd hī nahīñ aatī
ḳhvāb hai ḳhvāb kā sahārā bhī

lagtā hai itnā vaqt mire Dūbne meñ kyuuñ
andāza mujh ko ḳhvāb kī gahrā.ī se huā

āñkhoñ meñ abhī tak hai ḳhumār-e-ġham-e-jānāñ
jaise ki koī ḳhvāb-e-mohabbat se hai jaagā

khiḌkī se mahtāb na dekho
aise bhī tum ḳhvāb na dekho

harjā.ī haiñ log yahāñ ke
is bastī ke ḳhvāb na dekho

sachche sapne do āñkhoñ ko
jhūTe hoñ vo ḳhvāb na dekho

ḳhayāl-e-shauq kī be-chehragī pe kyā ro.eñ
diloñ meñ ham ne basā.e the saare ḳhvāb ġhalat

sub.h savere ḳhvāb meñ dekhā mujh se koī ye kahtā thā
ik tū hī barbād rahe aur jag saarā ābād rahe

ḳhvāb to ḳhvāb hai ta.abīr badal jaatī hai
dil ke ā.īne meñ tasvīr badal jaatī hai

ishq aur ishq ke ādāb kā kyā karnā hai
tū nahīñ hai to kisī ḳhvāb kā kyā karnā hai

hathelī se ThanDā dhuāñ uTh rahā hai
yahī ḳhvāb har martaba dekhtī huuñ

amaañ is ḳhvāb ko bhī kyā kaheñ ab
bikharnā thā bikhartā jā rahā hai