Tags-Khwab

vo ḳhvāb dikhātā thā mujh ko maiñ is pe bharosa kartā thā
qaa.im na rahā va.adoñ kā bharam kuchh yaad rahā kuchh bhuul ga.e

na koī ḳhvāb kamāyā na aañkh ḳhālī huī
tumhāre saath hamārī bhī raat kaalī huī

zarā se ḳhvāb bune the ki saañs phuul ga.ī
qadam dukāñ pe rakhā thā ki jeb ḳhālī huī

koī TukḌā tirī āñkhoñ meñ na chubh jaa.e kahīñ
duur ho jā ki mire ḳhvāb kā shīsha TuuTe

maiñ shab ko lā ke use 'arsh' ḳhaak huuñ ham-ḳhvāb
vo shoḳh ḳhāna-ḳharāb apne ghar nahīñ aatā

niiñd se mujh ko jagātā hai chalā jaatā hai
vo mire ḳhvāb meñ aatā hai chalā jaatā hai

ek tabqa to ka.ī nasl se is duniyā se
ḳhvāb āñkhoñ meñ sajātā hai chalā jaatā hai

ham naġhma-sarā kuchh ġhazloñ kī ham sūrat-gar kuchh ḳhvāboñ ke
be-jazba-e-shauq sunā.eñ kyā koī ḳhvāb na ho to batā.eñ kyā

jinheñ raushnī kā lihāz thā jinheñ apne ḳhvāb pe naaz thā
maiñ unhī kī saf meñ jalā kiyā maiñ usī qatār meñ bujh gayā

ek din ḳhvāb-nagar jaanā hai
aur yūñhī ḳhāk-basar jaanā hai

umr bhar kī ye jo hai be-ḳhvābī
ye usī ḳhvāb kā harjānā hai

terā merā koī rishta to nahīñ hai lekin
maiñ ne jo ḳhvāb meñ dekhā hai koī dekh na le

jaane kis ḳhvāb-e-pareshāñ kā hai chakkar saarā
bikhrā bikhrā huā rahtā hai mirā ghar saarā

silsile ḳhvāb ke ashkoñ se sañvarte kab haiñ
aaj dariyā bhī samundar meñ utarte kab haiñ

ḳhvāb hī ḳhvāb haiñ ta.abīr kahāñ se laa.eñ
laa.eñ par ḳhūbī-e-taqdīr kahāñ se laa.eñ

matā-e-dīd to kyā jāniye kis se ibārat hai
charāġh-e-ḳhvāb hī kuchh der raushan ho ġhanīmat hai

saarā din us ke tasavvur se huā kī bāteñ
ḳhvāb ban ke mirī rātoñ ko sajātā hī rahā

ḳhayāl-o-ḳhvāb kī duniyā meñ lā ke dekh liyā
tirī qasam tujhe tujh se chhupā ke dekh liyā

sab mujhe DhūñDne nikle haiñ bujhā kar āñkheñ
baat niklī hai ki maiñ ḳhvāb meñ paayā gayā huuñ

na raas aa.egī ta.abīr-e-ḳhvāb-e-mustaqbil
ye vaqt ḳhvāb ke manzar ko ḳhvāb kar degā