Tags-Khwab

baġhal meñ ham ne raat ik ġhairat-e-mahtāb dekhā hai
tumhīñ is ḳhvāb kī ta.abīr ho kyā ḳhvāb dekhā hai

zindagī kī haqīqat ajab ho ga.ī
aaj kal ho rahī hai basar ḳhvāb meñ

aaj is baat kā ehsās huā hai mujh ko
ḳhvāb 'mohsin' the mire sirf bikharne ke liye

aksar aadhī raat meñ le kar kuchh pathrīle ḳhvāb
shīsha-e-zehn se aa jaate haiñ Takrāne alfāz

jaane ta.abīr ho ab kaisī ḳhudā ḳhair kare
raat phir ḳhvāb meñ khiltā huā ġhuncha dekhā

āñkhoñ ko chamak chehre ko ik aab to diije
jhūTā hī sahī aap koī ḳhvāb to diije

hunar jo ḳhvāb churāne kā maiñ ne sīkhā hai
yahāñ pe kitnoñ kī nīndeñ uḌaa.e baiThā huuñ

vaa.e nādānī ki vaqt-e-marg ye sābit huā
ḳhvāb thā jo kuchh ki dekhā jo sunā afsāna thā

kis ko ye ḳhabar thī ki bikhar jā.eñge pal meñ
āñkhoñ ne sajā rakkhe the jo ḳhvāb suhāne

raat kā zahar piye ḳhvāb kā āñchal oḌhe
kaun hai saath mire gardish-e-daurāñ kī tarah

jin kī ta.abīr haiñ aañsū 'shohrat'
aaj vo ḳhvāb-e-hasīñ yaad nahīñ

rāt-bhar jāgte rahnā to nasīb apnā thā
sone vaalā to koī ḳhvāb suhāne māñge

tum ko mere ḳhvāb kī ta.abīr honā chāhiye
ahl-e-ilm-o-sāhab-e-tadbīr honā chāhiye

aañkh kā e'tibār kyā karte
jo bhī dekhā vo ḳhvāb meñ dekhā

hijr kī raat so ga.e the 'adam'
sub.h-e-mahshar ko ḳhvāb meñ dekhā

vo aa ga.e to simaT aa.e sab nigāhoñ meñ
hazāroñ ḳhvāb ki jin kā shumār kar na sake

bahā na le jaa.e un ko bārish 'ūshā'
chaTTānoñ par ḳhvāb vafā ke bo.e haiñ

ḳhvāb-mahal meñ kaun sar-e-shām aa kar patthar mārtā hai
roz ik taaza kāñch kā bartan haath se gir kar TūTtā hai

tum ko har ḳhvāb kī ta.abīr milegī 'raḳhshāñ'
pahle sochoñ meñ basā kar vo aqīda dekho

huuñ giraftār-e-kamīñ-gāh-e-taġhāful ki jahāñ
ḳhvāb sayyād se parvāz-e-girānī māñge