Tags-Khwab

jab se ik ḳhvāb kī ta.abīr milī hai mujh ko
maiñ har ik ḳhvāb kī ta.abīr se ghabrātā huuñ

āñkhoñ meñ ḳhvāb chubhan sone nahīñ detī hai
ek muddat se hameñ tū ne jagā rakkhā hai

manziloñ kī bāteñ to ḳhvāb jaisī bāteñ haiñ
umr biit jaatī hai rāsta banāne meñ

mujhe jagā diyā jab fajr ke mo.azzin ne
darūn-e-ḳhvāb maiñ masjid kā sahn dho rahā thā

yaad rakhtā nahīñ mujhe koī
arsa-e-ḳhvāb ho gayā huuñ maiñ

kam raushan ik ḳhvāb ā.īna ik piilā murjhāyā phuul
pas-manzar ke sannāTe meñ ek nadī pathrīlī sī

har ek ḳhvāb kī tābīr thoḌī hotī hai
mohabbatoñ kī ye taqdīr thoḌī hotī hai

rāstoñ meñ chhup ga.iiñ rāteñ kahīñ
ḳhvāb-gah meñ āhaTeñ haiñ duur tak

yahī hai niind kā manshā ki ḳhvāb-e-ġhaflat se
sahīh vaqt pe bedār ho liyā jaa.e

sāya-e-ḳhanjar meñ aayā ḳhvāb-e-marg
vaah kyā tāle.a mire bedār haiñ

kuñvārī laash kī āñkhoñ meñ jhāñk kar dekho
hasīn ḳhvāb abhī tak machal rahā hogā

merī taqdīr hai poshīda jabīñ meñ jaise
ḳhvāb bhī rahtā hai dar-parda-e-tābīr mirā

dekhā thā ḳhvāb shā.er-e-momin ne is liye
ta.abīr meñ milā hameñ talvār dekhnā

maiñ faqīr huuñ maiñ haqīr huuñ kisī ḳhvāb kī na asiir huuñ
maiñ aziiz huuñ to tujhe hī bas so azīz-tar hī banā piyā

ye pur-pech galiyāñ ye be-ḳhvāb bāzār
ye gumnām raahī ye sikkoñ kī jhankār

dhund meñ kho ke rah ga.iiñ sūrateñ mehr-o-māh sī
vaqt kī gard ne unheñ ḳhvāb-o-ḳhayāl kar diyā

ḳhvāb meñ bhī vo ā.eñge tā-chand
maiñ milā bhī to yuuñ milā kab tak

ḳhvāb meñ aane vaalā ik din
ḳhvāb se bāhar aa saktā hai

ta.abīr-e-ḳhvāb-e-'gāñdhī' tafsīr-e-hāl-e-'nehrū'
'āzād' kī riyāzat 'sardār' kī tagāpū