Tags-Khwab

ḳhisht-kobī meñ kise fursat-e-ḳhvāb-e-ḳhūbāñ
zinda rahne ke taqāzoñ ne kiyā ziist kā ḳhuuñ

ḳhvāb us ke haiñ jo churā le jaa.e
niiñd us kī hai jo uḌā le jaa.e

ḳhvāb aisā ki dekhte rahiye
yaad aisī ki hāfiza le jaa.e

is qadar ḳhush haiñ ki ham ḳhvāb-e-farāmoshī meñ
jaag jaane ke bahāne se bahut aage haiñ

hasīn ḳhvāb safar ke dikhā gayā hai kaun
badan meñ aag sī yaaro lagā gayā hai kaun

be-vaq.at-o-kam-māya sahī ḳhvāb hamāre
ḳhvāboñ se alag hone kī ta.azīr ajab hai

sharāb paisa anā ḳhvāb ishq yā ki suḳhan
kisī bhī shai kā ho nashsha ḳharāb hotā hai

ḳhuun shiryānoñ meñ lahrātā hai
ḳhvāb ā.ankhoñ meñ hinsā karte haiñ

chāroñ or the dhundhle dhundhle chehre se
ḳhvāb kī sūrat jo bhī dekhā bhuul ga.ī

piirī meñ ḳhvāb dekh rahā huuñ shabāb ke
jaise abhī hai raat numūd-e-sahar nahīñ

āzād fazāoñ meñ āzād chaman hogā
kyā ḳhvāb the kyā un kī ta.abīr nazar aa.ī

jhuuT hai sab tārīḳh hamesha apne ko dohrātī hai
achchhā merā ḳhvāb-e-javānī thoḌā sā dohrā.e to

ga.e zamānoñ kī dard kajlā.ī bhūlī bisrī kitāb paḌh kar
jo ho sake tum se aane vaale dinoñ ke rañgīn ḳhvāb likhnā

mazā de jaa.e ham ko ḳhvāb-e-ġhaflat
mazā aa aa.e tum ġhāfil ho ham hoñ

uThe ham jo ḳhvāb-o-ḳhayāl se lage takne dīda-e-jāl se
ki vo kab uThe vo kidhar ga.e abhī paas the abhī kyā hue

shab kī jaagī huī āñkhoñ kī tapish pūchhte ho
ḳhaak ho jaa.e agar ḳhvāb yahāñ tak pahuñche

band palkoñ meñ adhūre ḳhvāb bante ho magar
koī in meñ aa basā to kyā karoge soch lo

ik umr kisī pal jo mire haath nā aayā
vo ḳhvāb sā ehsās musaḳhḳhar huā kaise

dil ke jazbe sāmne aa.e ḳhushbū ḳhvāb dhuāñ ban kar
jitnī dilkash soch thī us kī vaisā hī iz.hār huā

sab ḳhvāb purāne haiñ har chand fasāne haiñ
ham roz basāte haiñ āñkhoñ meñ na.ī duniyā