Tags-Khwab

ḳhayāl-o-ḳhvāb se ghar kab talak sajā.eñ ham
hai jī meñ ab to ki jī ḳhud se bhī uThā.eñ ham

yuuñ dekhne ko dekhte rahte haiñ ḳhvāb log
rakhte haiñ roz-o-shab kā bhī lekin hisāb log

hijr karte yā koī vasl guzārā karte
ham bahar-hāl basar ḳhvāb tumhārā karte

kaun rakhtā hai añdhere meñ diyā aañkh meñ ḳhvāb
terī jānib hī tire log ishārā karte

zānū-e-shauq par vo pichhle pahar
nargis-e-nīm-ḳhvāb kā aalam

vo samāñ aaj bhī hai yaad 'jigar'
haañ magar jaise ḳhvāb kā aalam

mirī ḳhvāb-gāh meñ raat kaisā ḳhumār thā
koī jaam sā thā dharā huā mire sāmne

maiñ khaḌā huā thā ajiib vahm o gumān meñ
dar-e-ḳhvāb shab thā khulā huā mire sāmne

maiñ ḳhāk-e-sard pe soyā to mere pahlū meñ
phir ek ḳhwāb-e-shikast ā.ina-misāl aayā

mirā vajūd hai ik naqsh-e-āb kī sūrat
shikast jis kā muqaddar hai ḳhvāb kī sūrat

guzar rahā huuñ kisī ḳhvāb ke ilāqe se
zamīñ sameTe hue āsmāñ uThā.e hue

be-ḳhvāb ''ḳhūn-āñkh'' meñ dafnā ke zaḳhm-e-ḳhvāb
milne ko hai sahar se ye shab bhī gale chalo

āñkhoñ meñ ḳhvāb aag ragoñ meñ javān azm
'shahzād' ab kahāñ haiñ vo sab silsile chalo

dekhe gar ġhaur se duniyā hai ġhaflat kā tilism
ye bhī ḳhvāb-e-ishq hai furqat se bedārī nahīñ

band ā.ankhoñ se nazar aatī hai har shai dahr kī
ālam-e-rūyā meñ farq-e-ḳhvāb-o-bedārī nahīñ

hai niiñd se koī bhī ta.alluq nahīñ mirā
har dam ye chashm-e-vā meñ ubhartā hai ḳhvāb kyā

beTiyāñ baap kī āñkhoñ meñ chhupe ḳhvāb ko pahchāntī haiñ
aur koī dūsrā is ḳhvāb ko paḌh le to burā māntī haiñ

ā.īna aks aur pas-e-ā.īna bhī mast
poshīda mast-e-ḳhvāb huvaidā bhī mast mast

ḳhvāb āñkheñ chhoḌ kar kahiye kahāñ jā.eñge ab
silvaTeñ kyā mar nahīñ jā.eñgī chādar chhoḌ kar

jal uTheñge paañv 'ātish' un ke chhūte hī zamīñ
ḳhvāb gar utre mirī āñkhoñ kā bistar chhoḌ kar