Tags-Khwab

maiñ ne muddat se koī ḳhvāb nahīñ dekhā hai
raat khilne kā gulāboñ se mahak aane kā

jo chāhtī duniyā hai vo mujh se nahīñ hogā
samjhautā koī ḳhvāb ke badle nahīñ hogā

tum ḳhvāb se do-qadam nikal kar
chhup jaao duā ke aa.ine meñ

chal ḳhvāb samet Duub jaa.eñ
poshāk haTā ke aa.ine meñ

raat bhar dikhtā rahā ik shaḳhs mujh ko ḳhvāb ban kar
soch kar vo ḳhvāb hī din aaj kā zaa.e.a huā hai

sochte hī sochte guzrā safar
ḳhvāb kī sarmastiyāñ baḌhtī ga.iiñ

ye bhī kyā rañg hai ai nargis-e-ḳhvāb-ālūda
shahr meñ sab tire jaadū ke haiñ maare hue log

un ko ai narm havā ḳhvāb-e-junūñ se na jagā
raat mai-ḳhāne kī aa.e haiñ guzāre hue log

fitrat ulaT ke ḳhvāb dikhāne diye ga.e
gūñgoñ ko bad-zabānī ke ta.ane diye ga.e

abhī nahīñ abhī zanjīr-e-ḳhvāb barham hai
abhī nahīñ abhī dāman ke chaak kā ġham hai

maiñ ne chāhā hai tujhe aam se insāñ kī tarah
tū mirā ḳhvāb nahīñ hai jo bikhar jā.egā

jise ruuyā meñ dekhā thā milāyā ḳhaak meñ us ne
muqaddar ne hamāre ḳhvāb kī ta.abīr miTTī kī

sunā hai sāya-e-ruḳhsār meñ kuchh der Thahrī thī
vahīñ se jagmagāte ḳhvāb le kar zindagī aa.ī

shab nazāra-parvar thā ḳhvāb meñ ḳhayāl us kā
sub.h mauja-e-gul ko naqsh-e-boriyā paayā

dasht tārīk thā aur ḳhvāb thā kaalā merā
raushnī detā rahā kaan kā baalā merā

ḳhayāl-o-ḳhvāb meñ dīvār-o-dar bhī saath rakkho
musāfirat meñ raho aur ghar bhī saath rakho

ḳhvāb se parda karo dekho mat
ab agar dekh sako dekho mat

lamha lamha ḳhvāb dikhā.e aur sau sau ta.abīr kare
lazzat-e-kam-āzār bahut hai jis kā naam javānī hai

kal mirī be-ḳhvāb āñkhoñ ke muqābil rāt-bhar
naqsh tāroñ meñ vo chashm-e-surmagīñ kar dī ga.ī

ḳhvāb hī to mile haiñ hameñ roTī ke ḳhvāb ta.alīm ke ḳhvāb
hukmarānoñ ne dikhā.e āzādī ke ba.ad na.ī tanzīm ke ḳhvāb