Tags-Khwab

ḳhvāb ne to raqam kar diyā thā tujhe
hāsil-e-shab yahī chashm-e-pur-āb hai

sone se jāgne kā ta.alluq na thā koī
saḌkoñ pe apne ḳhvāb liye bhāgte rahe

ham gul-e-ḳhvāb sajāte the dukān-e-dil meñ
aur phir ḳhud hī ḳharīdār huā karte the

aañkh kī mez pe rakkhā hai mirā ḳhvāb-e-safar
aur bistar pe shikan Daal ke soyā huuñ maiñ

vo intizār dikhā.e is ehtiyāt ke saath
ki merī āñkhoñ ko mahrūm-e-ḳhvāb bhī na kare

ḳhvāb meñ aao mire rañgīn ḳhvāboñ kī tarah
paḌh sakūñ tum ko maiñ rūmānī kitāboñ kī tarah

arsa-e-ḳhvāb se vaqt maujūd ke rāste meñ gañvā dī ga.ī guftugū
ek isrār kī bebasī rah ga.ī ek inkār kā bāñkpan rah gayā

jamā huā ḳhuun hai ragoñ meñ na jaane kab se
rukā huā ḳhvāb hai ravānī se Dar rahā thā

tū jo aatā hai mahaktā huuñ gulāboñ kī tarah
aur tirā ḳhvāb jab aatā hai rulā jaatā hai

TuuTe kabhī to ḳhvāb-e-shab-o-roz kā tilism
itne hujūm meñ koī chehra nayā bhī ho

taḳhta-e-mashq-e-sitam mujh ko banāne vaalā
thā vahī roz mire ḳhvāb meñ aane vaalā

aish-o-ishrat ke sadā ḳhvāb dikhātā thā use
ġhamza-o-nāz se 'barqī' ko lubhāne vaalā

apnī āñkhoñ ko noch Daalā hai
tum ko paane ke ḳhvāb buntī haiñ

ḳhvāb putlī ke martabān meñ juuñ
qufl sāmān ko lagāyā huā

kabhī jo yaar ko dekhā to ḳhvāb meñ dekhā
mirī murād bhī aa.ī to musta.ār aa.ī

maiñ ek lamha thā aur niiñd ke hisār meñ thā
phir ek roz kisī ḳhvāb ne jagāyā mujhe

ta.abīr tere ḳhvāb kī ma.alūm hai mujhe
tujh kushta-e-gumāñ kā muqaddar fareb hai

ye kis tarah yaad aa rahī ho ye ḳhvāb kaisā dikhā rahī ho
ki jaise sach-much nigāh ke sāmne khaḌī muskurā rahī ho

kyā qayāmat hai ki aariz un ke niile paḌ ga.e
ham ne to bosa liyā thā ḳhvāb meñ tasvīr kā

bikhar ke ret hue haiñ vo ḳhvāb dekhe haiñ
mirī nigāh ne kitne sarāb dekhe haiñ