Tags-Khwab

tilism-e-hosh-rubā the vo manzar-e-hastī
fazā-e-dīda-o-dil jaise ḳhvāb aasā thī

raat kyā tujh ko ḳhvāb meñ dekhā
sub.h-e-tābīr hañs paḌī mujh meñ

ruteñ visāl kī ab ḳhvāb hone vaalī haiñ
ki us kī baat kā lahja badaltā jaatā hai

kar ke ḳhvāb aañkh meñ pahle to vo laa.e ḳhud ko
aur phir mujh ko jagāne ko satā.e ḳhud ko

pighlī kuchh aur barf to ik aur shahr-e-ḳhvāb
yuuñ bah gayā nasheb meñ goyā kabhī na thā

kahāñ kāñTe bichhe hoñge kidhar se ā.eñge patthar
mirī maañ ḳhvāb meñ aa kar mujhe sab bol detī hai

ahl-e-kashtī ko to sāhil ke hī ḳhvāb aate haiñ
taktā rahtā hai safīnoñ ke samundar chehre

aañkh se uḌ gayā hai tā.ir-e-naum
ḳhvāb meñ thā guzar udāsī kā

kuchh aur bhī din mujh ko samajhne meñ lageñge
maiñ ḳhvāb meñ dekhe hue raste kī tarah huuñ

sehr-e-talab na ḳhvāb-e-fusūñ mujh ko mil gayā
niiñd aa ga.ī to ḳhud hī sukūñ mujh ko mil gayā

ye sach hai maiñ huuñ qaid ḳhayāloñ meñ ḳhvāb meñ
jiine ke vāste mire duniyā koī to ho

aise ki suno to hañs paḌo tum
dekhe haiñ ajiib ḳhvāb ham ne

apnā.iyat kā ḳhvāb to dekho tamām umr
begānagī kā zahr piyo aur ḳhush raho

kyā kyā the ḳhvāb raat jo ta.abīr ho ga.e
kyā kyā diloñ meñ hashr uThāyā thā shaam ne

ḳhvāboñ ke ufuq par tirā chehra ho hamesha
aur maiñ usī chehre se na.e ḳhvāb sajā.ūñ

niiñd āvegī na tanhā 'bedār'
tā na ḳhvāb us se baham kījiyegā

tere ġham kā tadāruk kiyā to hameñ sharm aa jā.egī aur mar jā.eñge
ḳhvāb-āvar davā ham ne le lī to phir niiñd ke kizb se zaḳhm bhar jā.eñge

ajnabī-pan kī lau se nikaltī huī āshnā.ī kī larzāñ tapish aur ham
aisā lagtā hai goyā jhijhakte hue dūsre ḳhvāb meñ phir utar jā.eñge

har ḳhvāb ke safar meñ mire paañv ke tale
aa kar khisakne vaalī zamīnoñ kī ḳhair ho

udaas yādoñ kī muzmahil raat biit bhī jā
ki merī āñkhoñ meñ ab lahū hai na ḳhvāb koī