Tags-Kiss

bosa le kar mazā milā mujh ko
hanzal us kā zaqan hai aam nahīñ

aksar vo kahte haiñ ki jo bosa talab kare
is guftugū pe muñh ise kyūñkar lagā.iye

zulf ko kyuuñ jakaḌ ke bāñdhā hai
us ne bosa liyā thā gaal kā kyā

bosa māñgūñ to kaheñ mujh se ye bulvā ke qarīb
kis kā muñh hai jo mire muñh ke vo muñh laa.e qarīb

agar tum bosa-e-seb-e-zaqan se ho ga.e qātil
gale par pher diije mere chāqū meva-ḳhorī kā

us lab kā liyā bosa na kabhū haihāt na lipTā pāvoñ se
dil tujh se ba-rañg-e-pān-o-hinā ye bhī na huā vo bhī na huā

bosa māñgā to ye javāb milā
sīkhiye pahle ishq ke ādāb

kis tarah tum se na māñgeñ tumhīñ insāf karo
bosa lene kā sazā-vār dahan hai kis kā

ai sabza rañg-e-ḳhat bhī banā ab to bosa de
begāna thā jo sabza chaman se nikal gayā

shikār-e-basta-e-fitrāk ko tire maqdūr
huā na ye bhī ki bosa sar-e-rikāb to de

bosa na de vo mujh ko to maiñ is ko dil na duuñ
is gore haath se jo ishāre hue to kyā

bosa-dahī kā lutf milā husn baḌh gayā
ruḳhsār laal laal tumhāre hue to kyā

yak bosa aur luñgā araq muñh se pūchh kar
vo aab aab sharm ke maare hue to kyā

māñgūñ to sahī bosa par kyā hai ilaaj is kā
yaañ hoñT kā hil jaanā vaañ baat kā pā jaanā

bosa māñgā na gayā hoñToñ kā ai rashk-e-parī
rañg missī kā mujhe surma-e-āvāz huā

betāb dast-e-shauq haiñ joban ke rū-ba-rū
bose meñ jaañ ba-lab tire gāloñ ke sāmne

bosa ab qand-e-mukarrar ho gayā
duunī lazzat ho ga.ī takrār se

teġh-e-abrū kā jo bosa de to de
varna zālim qatl kar talvār se

qasam na khā.ūñgā tīsoñ kalām kī ai 'bahr'
kisī kā ḳhvāb meñ bosa to lā-kalām liyā

biyā biyā ki tirā tañg dar kanār kushem
ze-bosa-mehr-kunam bar-lab-e-shakar-ālūd