Tags-Kitab

ḳhat aane se nahīñ ḳhātir jamā hue mutlaq
ise to ḳhat kahūñ yā sabza yā sitam kī kitāb

nahīñ ḳhayāl sivā us ke aur hai dil meñ
jo maktab ishq meñ jaise paḌhā sanam kī kitāb

kitāb-e-husn kī 'qāsim-alī' mutāla kar
banā.ī sān.e.a ne san.at se yak-qalam kī kitāb

kuchh apne kaam nahīñ aave jām-e-jam kī kitāb
kifāyat apne ko bas ek apne ġham kī kitāb

tum apne kirdār aur amal ko banā ke ā.īna-e-talaffuz
hasīn lafzoñ kī sūratoñ meñ shanāḳhtoñ kī kitāb rakhnā

madrasa merā merī zaat meñ hai
ḳhud moallim huuñ ḳhud kitāb huuñ maiñ

likhe haiñ ashkoñ se lamhāt-e-zindagī 'ūshā'
unheñ kitāb-e-mohabbat meñ tum sajā denā

ḳhat ho koī kitāb ho yā dil kā zaḳhm ho
jo bhī hai mere paas nishānī usī kī hai

tāmīl-e-kitāb avval tāvīl-e-kitāb āḳhir
tadbīr o amal avval taqrīr o ḳhitāb āḳhir

mujh ko samajh rahā thā jo maazī kī ik kitāb
vo bhī na.e nisāb meñ shāmil nahīñ rahā

tirī hayāt se juḌ jā.ūñ vāqi.a ban kar
tirī kitāb meñ merā bhī iqtibās rahe

shajar shajar varaq varaq payām-bar vahāñ bhī hai
jahāñ se har sahīfa har kitāb koī le gayā

guzishta raat mujhe paḌhte vaqt vahm huā
varaq pe harf nahīñ haiñ ye haiñ kitāb meñ saañp

kitāb-e-sabz o dar-e-dāstān band kiye
vo aañkh so ga.ī ḳhvāboñ ko arjumand kiye

maiñ ek baab thā afsāna-e-vafā kā magar
tumhārī bazm se uTThā to ik kitāb banā

hai tirī baat ai nazākat-e-fahm
lauh-e-dībācha-e-kitāb-e-suḳhan

maiñ vo ma.anī-e-ġham-e-ishq huuñ jise harf harf likhā gayā
kabhī āñsuoñ kī bayāz meñ kabhī dil se le ke kitāb tak

har shaḳhs hai ishtihār apnā
har chehra kitāb ho gayā hai

hijāb meñ hai har ik raaz merī hastī kā
zamāna shauq se paḌh le ye vo kitāb nahīñ

ab hai kitāb-e-ishq meñ jo saada o salīs
pahle vo lafz lafz-e-adaq der tak rahā