Tags-Kitab

kitāb-e-ishq meñ saa.e kā matlab
dar-o-dīvār kā saaya nahīñ hai

mukāshafāt ke TukḌe haiñ zehn ke aurāq
kitāb utartī nahīñ hai kitāb TūTtī hai

taur-e-ma.anī par bhī ai nā-faham chaḌh saktā hai tū
kyā musannif kī kitāb-e-dil bhī paḌh saktā hai tū

dil se apne pūchh o zindāni-e-ilm-e-kitāb
husn-e-qudarat ko bhī dekhā hai bar-afganda-naqāb

shikasta lamhoñ kā tū vaqt ko hisāb na de
havā ke haath meñ bikhrī huī kitāb na de

chehra us kā kitāb jaisā hai
aur rañgat gulāb kī sī hai

mere samjhāne ko aayā hai baġhal meñ le kitāb
naak meñ laayā hai dam nāseh koī shaitān hai

phir ham jab chāheñge
nazmoñ kī kitāb se

ek din tum ye saarī sīḌhiyāñ
nazmoñ kī kitāb meñ rakh kar

kitāb paḌhte rahe aur udaas hote rahe
ajiib shaḳhs thā jis ke azaab Dhote rahe

kitāb dard kī paḌh kar sunā rahī hai hayāt
aur āñsuoñ ke farishte khaḌe haiñ chāroñ taraf

har saal kī āḳhirī shāmoñ meñ do chaar varaq uḌ jaate haiñ
ab aur na bikhre rishtoñ kī bosīda kitāb to achchhā ho

hayāt-o-kā.enāt par kitāb likh rahe the ham
jahāñ jahāñ savāb thā azaab likh rahe the ham

tirī ḳhabar ke liye dekhte haiñ sab aḳhbār
mutāle.a meñ kisī ke koī kitāb nahīñ

vo jis kī yādoñ se shā.erī kā har ek misra sajāyā ham ne
kitāb-e-jāñ ke tamām safhe usī ke hāthoñ se phaT ga.e haiñ

kitāb-e-dil ko dīmak lag ga.ī hai
tumhārā naam kyā hai DhūñDhtā huuñ

vo hañstī āñkheñ hasīñ tabassum damaktā chehra kitāb jaisā
darāz qāmat hai sarv aasā hai rañg khilte gulāb jaisā

adab nahīñ hai ye aḳhbār ke tarāshe haiñ
ga.e zamānoñ kī koī kitāb de jaao

zamīñ sukūn kī hālat meñ aa.egī lekin
use 'nadīm' kī she.arī kitāb detā chal

vo intishār-e-ġham-e-zīst meñ jilā degā
magar usī ko ḳhushī kī kitāb detā chal