Tags-Kitab

riñd vaa.iz se kyuuñ ki sarbar ho
us kī chhū, kī kitāb aur hī hai

rah gayā hai kitāb meñ din kī
shaam kā bāb-e-muḳhtasar baaqī

baḌī mabsūt hai kitāb-e-ḳhalq
koī achchhā sā intiḳhāb ḳharīd

virāsatoñ ke haath meñ jo ik kitāb thī milī
kitāb meñ jo harf hai sitāra-ḳhū milā nahīñ

hotā hai saaf rū-e-kitābī se ye ayaañ
kāfir hai go vo but magar ahl-e-kitāb hai

jise paḌhā nahīñ tum ne kabhī mohabbat se
kitāb-e-zīst kā vo baab haiñ mire aañsū

paḌe kitāb ke qissoñ meñ kyā karo dil saaf
safā ho dil to ba-az rauzatus-safā samjho

chaupā.e kī tarah tū kitāboñ se na lad
hāsil hai kitāb kā faqat ilm-o-ḳhirad

'nazīr' sīkhe se ilm rasmī bashar kī hotī haiñ chaar āñkheñ
paḌhe se jis ke hoñ laakh āñkheñ vo ilm dil kī kitāb meñ hai

chehre pe kyā azaab the aañkh meñ kitne ḳhvāb the
hoñT khulī kitāb the kahte the sab kahāniyāñ

kab kā guzar chukā hai vo mausam shabāb kā
ab zikr hai fuzūl vafā kī kitāb kā

likhī thiiñ vahshateñ sahrā kī merī āñkhoñ meñ
kitāb-e-dil meñ varaq khul rahā thā jañgal kā

miTā diye the sabhī harf ġham kī bārish ne
ajiib haal mirī ziist kī kitāb kā thā

azaab sab ke mire jism-o-jāñ pe naqsh hue
mirā vajūd mire ahd kī kitāb huā

vo harf harf mukammal kitāb kar degā
varaq varaq ko mohabbat kā baab kar degā

nisāb-e-zindagī jis meñ likhā hai
kitāb-e-dil vo baste meñ paḌī hai

mire kalām kī tafsīr ke liye paḌhiye
jamāl-e-fikr kī aayat navā-e-jāñ kī kitāb

maiñ kis varaq ko chhupā.ūñ dikhā.ūñ kaun sā baab
kisī habīb ne māñgī hai zindagī kī kitāb

hameñ ta.abīr pahle dī ga.ī phir ḳhvāb utre
kitāb-e-zindagī ke is tarah kuchh baab utre

bachpan meñ dekhā thā ham ne maañ kā chehra yaad nahīñ
bū-alī-sīnā ban kar ham ne us ke ruḳh ko kitāb kiyā