Tags-Kitab

paḌhā sabhī ne use par samajh sakā na koī
kitāb-e-zīst kā har harf rā.egāñ Thahrā

harf miTne lage haiñ zehnoñ se
phir koī sāhib-e-kitāb aa.e

utarte rahte haiñ āñkhoñ ke ā.inoñ pe sadā
kitāb-e-ḳhasta meñ gum-gashta baab se kuchh haiñ

har lafz salīb par chaḌhā kar
tum kaisī kitāb māñgte ho

is kitāb-e-zīst ke bhī āḳhirī safhe talak
khīñch Daale qaus ne bhī zindagī par dā.ere

kitāb-e-zīst ke har ik varaq pe raushan haiñ
ye terī farda-nigāhī ke ḳhad-o-ḳhāl bahut

use chhuā hī nahīñ jo mirī kitāb meñ thā
vahī paḌhāyā gayā mujh ko jo nisāb meñ thā

dostoñ meñ sab se achchhā dost hai achchhī kitāb
aa batā duuñ kaisī hotī hai 'atā' achchhī kitāb

kisī harf meñ kisī baab meñ nahīñ aa.egā
tirā zikr merī kitāb meñ nahīñ aa.egā

bahut se log to aise bhī haiñ isī yug meñ
kitāb paḌhte nahīñ haiñ kitāb likhte haiñ

vo ajab ghaḌī thī maiñ jis ghaḌī liyā dars nusḳha-e-ishq kā
ki kitāb aql kī taaq par juuñ dharī thī tyuuñ hī dharī rahī

jaise be-harf-o-navā utrī hai ilhāmī kitāb
vo muḳhātab haiñ usī andāz se dil kī taraf

yaad ne harf harf gherā hai
gar likhūñ to kitāb ho jaa.e

vo avvalīñ dard kī gavāhī sajī huī bazm-e-ḳhvāb jaise
vo chashm-e-surma kalām kartī vo saare chehre kitāb jaise

nashāt o fat.h mirī dastaras meñ the lekin
kitāb-e-umr meñ dukh-dard besh-tar rakkhā

javāz-e-āb-o-tāb ab gulāb ke liye nahīñ
hamārī yaad zīnat-e-kitāb ke liye nahīñ

tirī kitāb kā har lafz jis kā chehra thā
ye kyā sitam ki use sirf baab honā paḌā

rakh dī hai us ne khol ke ḳhud jism kī kitāb
saada varaq pe le koī manzar utaar de

kyuuñ na chūmeñ tumhārī sūrat ko
ye ḳhudā kī kitāb kī sī hai

kis qadar rañgīñ hai tartīb-e-kitāb-e-zindagī
is meñ afsāna hai shāyad tere husn-o-nāz kā