Tags-Lab

pūchhtā hai haal bhī gar vo to maare sharm ke
ġhuncha-e-tasvīr ke mānind lab khultā nahīñ

kis tarah mālūm hove us ke dil kā mudda.ā
mujh se bātoñ meñ 'zafar' vo ġhuncha-lab khultā nahīñ

is bharī mahfil meñ terī ek maiñ hī tishna-lab
sāqiyā kyā ḳhvāhish-e-jām-o-subū rah jā.egī

zamāna barsar-e-paikār hai pur-haul sho.aloñ se
tire lab par abhī tak naġhma-e-ḳhayyām hai saaqī

lab-o-chashm-e-sanam gar dekhne paate kahīñ shā.ir
koī shīrīñ-suḳhan hotā koī jādū-raqam hotā

baaqī hai abhī talḳhi-e-zahrāb laboñ par
hai phir lab-e-sāqī pe salā jāniye kyā ho

tumhīñ ne lab ko baḳhshī hai matā-e-ḳhāmushī varna
zabāñ se qissa-hā-e-shauq dohrānā bhī aatā hai

chaTkī huī ye husn-e-gurezāñ kī kalī hai
yā shiddat-e-jazbāt se khulte hue lab haiñ

pūchh na kyā thī pichhle pahar kī dard bharī an-jānī chīḳh
jo man ke pātāl se uTThī rah ga.ī aa ke lab tak yaar

barg-e-gul dekh ke āñkhoñ meñ tire phir ga.e lab
ġhuncha chaTkā to mujhe lutf-e-suḳhan yaad aayā

ham baḌe naaz se aa.e the tirī mahfil meñ
kyā ḳhabar thī lab-e-iz.hār pe taale hoñge

lab pe aatī baat rah jaatī laboñ ke darmiyāñ
aam mat kar rāz-e-dil kah roktī pāgal havā

kyā zer-e-lab dost hai iz.hār-e-jasārat
haq ho ki vo nāhaq ho zarā lai to baḌhā aur

ham ne likhe hurūf-e-ġham-e-jāñ varaq varaq
paḌhne ko gesū-o-lab-o-ruḳhsār rah ga.e

lab-e-asnām haiñ qand-e-suḳhan se sar-ba-mohr ab tak
ḳhamoshī se maza pūchhe koī terī fasāhat kā

dil bhī kisī ke jaur pe thā dam-ba-ḳhud 'zafar'
lab par bhī ehtijāj kī koī sadā na thī

lab-e-gor agarche judā.ī meñ huuñ magar ā.ina-e-dil kī safā.ī meñ huuñ
tirā mahv ḳhudā kī ḳhudā.ī meñ huuñ mujhe apne hī ishq-o-vafā kī qasam

mire lab se hañsī chhīnī thī jis ne
sunā hai vo bhī ab hañstā nahīñ hai

ḳhauf-o-dahshat se lab nahīñ khulte
varna qātil mirī nigāh meñ hai

ḳhāk-bāzi-e-ummīd kār-ḳhāna-e-tiflī
yaas ko do-ālam se lab-ba-ḳhanda vā paayā