Tags-Lab

lab-e-gul kī hañsī degī na tum ko raushnī apnī
zarā shabnam ke ashkoñ meñ bhī dekhūñ zindagī apnī

lab o dahāñ bhī vo narm-o-nāzuk misī o paañ bhī vo qahr-o-āfat
suḳhan bhī karne kī vo latāfat ki goyā motī Tapak rahā hai

ki pyaas dekh rahe haiñ ye tishna-lab mere
maiñ ashk piitī huuñ aur tishnagī miTātī huuñ

maiñ agar chup huuñ ye bahtā huā dariyā kyā hai
lab-kushā huuñ to mirī baat se pahle kyā thā

jazb-e-vafā nā-tamām zauq-e-vafā be-sabāt
lab pe mohabbat kā naam dekhiye kab tak rahe

kisī ko dekh ke ik mauj lab pe aa to ga.ī
uThe na dil se to aisī hañsī ko kyā kiije

dil to dil kājal bhī ab to lab-kushā hone lage
is liye 'sīmā' tire alfāz kī hājat nahīñ

parchhā.iyoñ ke āriz-o-lab kaun chūmtā
lazzat-farosh jism se maiñ duur hī rahā

kis liye āñkhoñ ne pahnā āñsūon kā pairahan
ye haqīqat muskurāte lab samajh paa.e nahīñ

haath jo bahr-e-duā uThe haiñ jhuk jā.eñge
har nazar tishna-ba-lab ho ke duhā.ī degī

lab-basta daf.atan jo huā zaḳhm-e-dil mirā
dilbar ke ḳhvān kā vo namak-dāñ nahīñ rahā

'vasīm' ansār ne aise sitam Dhaa.e muhājir par
ki ham hijrat kā lab par naam bhī aane nahīñ dete

ye jal jaate haiñ lab tak aah bhī aane nahīñ dete
madad ke vāste āvāz parvāne nahīñ dete

bahut vāqif haiñ lab-e-āh-o-fuġhāñ se
tabassum hai kahāñ lā.ūñ kahāñ se

lab-e-rañgīñ se agar tū guhar-afshāñ hotā
lucknow lāloñ ke mādan se badaḳhshāñ hotā

sho.ale lapke jab bhī ham ko barkhā-rut kī yaad aa.ī
āñkheñ barsīñ jab bhī ham ne zikr-e-lab-o-ruḳhsār kiyā

ai 'mus.hafī' sad-shukr huā vasl mayassar
iftār kiyā roze meñ us lab ke rotab se

nīm-bāz āñkheñ tumhārā naam thā vird-e-zabāñ
zaḳhm-e-dil par haath thā lab par magar shikva na thā

kyā karūñ ab mubtalā huuñ aap apne haal meñ
dī thī ne.amat us ne jab lab par mire shukrāna thā

soz-e-dil se lab ye har dam naala betābāna thā
hijr-e-sāqī meñ kisī pahlū qarār aslā na thā