Tags-Lab

kapkapī fart-e-nadāmat se hai maujoñ meñ abhī
tishna-lab kaun sar-e-sāhil-e-jū zinda hai

nigār-e-gul ne liyā naam zer-e-lab terā
udaas chāñd ko dekhā pas-e-shajar ham ne

lab pe aa jaatī to kuchh aur bhī achchhā thā 'rishī'
aap ke dil meñ jo thī baat bahut achchhī thī

husn ke lashkar ke rāvat haiñ do-chashm
zulf-o-lab shab-ḳhūñ kā qaabū bolnāñ

bijlī ik kauñd ga.ī āñkhoñ ke aage to kyā
baat karte ki maiñ lab-tishna-e-taqrīr bhī thā

mire shu.ūr ko kaliyāñ ab aur kyā detīñ
tasavvur-e-lab-e-rañgīn-e-yār de to diyā

ho barā-e-shām-e-hijrāñ lab-e-nāz se farozāñ
koī ek sham-e-paimāñ koī ik charāġh-e-va.ada

lab pe surḳhī kī jagah jo muskurāhaT mal rahe haiñ
hasratoñ kā bojh shānoñ par uThā kar chal rahe haiñ

ḳhauf kaisā hai ye naam is kā kahīñ zer-e-lab bhī nahīñ
jis ne hāthoñ meñ mere hare kāñch kī chūḌiyāñ Daal diiñ

ye ḳhushk lab ye paañv ke chhāle ye sar kī dhuul
ham shahar kī fazā meñ bhī sahrā-navard haiñ

ajiib jumbish-e-lab hai ḳhitāb bhī na kare
savāl kar ke mujhe lā-javāb bhī na kare

phir lab pe tere kalma-e-afsos kis liye
maiñ ne to tere jabr kā shikva nahīñ kiyā

yās-o-hirmāñ huuñ jo lohe ke chane bhī to chabā.ūñ
ne.amat-e-ishq ke qābil lab-o-dandāñ māñgūñ

terī minnat bhī mirī jaañ baḌī kī jaatī hai
zer-e-lab ek vazīfa bhī paḌhā jaatā hai

vo tursh-go lab-e-jāñ-baḳhsh bhī thā kyā kahiye
ki talḳh baat bhī us kī davā sī lagtī thī

ruḳhsār-o-lab-o-gesū-o-abrū ke jahāñ meñ
har gaam pe ik hashr bapā mere liye hai

'shād' aasā hai use bhī bosa-e-lab kī havas
bul-havas bhī ai shakar-lab ek hī lahlūs hai

koī zer-e-lab hamesha gungunātā hai mujhe
maiñ kisī ke dil kī huuñ aur an-kahī rahtī huuñ maiñ

maiñ jāñ-ba-lab huuñ tark-e-ta.alluq ke zahr se
vo mutma.in ki harf to us par na aa.egā

shor se gūñjte sannāToñ ke
vā kare kyā lab-e-goyā koī