Tags-Lab

hasrat hī bosa-e-lab-e-shīrīñ kī rah ga.ī
mīThā na muñh ko tere namak-ḳhvār ne kiyā

māñgūñgā bahut kuchh maiñ sochā to ye thā lekin
lab ho ga.e patthar ke jab us ne kahā māñgo

lab-e-jāñ-baḳhsh ke mīThe kā tere jo maza paayā
to chashma zindagī kā apnī labrez-e-baqā paayā

zaḳhm-e-ḳhandāñ haiñ be-ainīh lab-e-ḳhandāñ apne
shādmānī meñ hai yaañ hālat-e-mātam paidā

haram vaale to pūchheñge batā tū kis kā banda hai
ḳhudā se pahle lab par un kā naam aayā to kyā hogā

kitne shīrīñ haiñ tere lab ki raqīb
gāliyāñ khā ke be-mazā na huā

jo likho ibārat-e-ishq tum to anā kā koī na pech ho
jo lab-e-davāt pe jhuk gayā vo qalam hī naqsh banā sakā

sunā hai bujhte bujhte bhī tumhāre sard o murda lab se
ek sho.ala shola-e-yāqūt-fām o rañg o ummīd-e-faroġh-e-zindagī-āhañg lapkā thā

lab-kushā hoñ to bikhar jaa.eñ fasāne kitne
chup jo ho jā.ūñ to aurāq purāne khul jaa.eñ

chaman-e-rūh se ḳhushbu-e-badan aatī hai
jaan par mauja-e-lab nafha-e-gesū dil par

kyā karte jo do chaar qadam thā lab-e-dariyā
jab hausle hī raḳht-e-safar khole hue the

kū ḳhanda kū tabassum o kū fursat-e-suḳhan
is anjuman meñ haiñ lab-e-hasrat-gazīda huuñ

aah 'sābir' jab huā merā safīna ġharq-e-āb
maiñ thā majbūrī thī aur koī lab-e-sāhil na thā

jāñ-ba-lab mahfil meñ un kī maiñ na thā yā dil na thā
kaun thā jo un ke tīr-e-nāz kā ghā.il na thā

na chaaT jaa.e kaḌī dhuup surḳhiyāñ lab kī
shajar kī chhāñv kisī ghar kā sā.ebāñ dekho

nau-giraftār-e-qafas huuñ mujhe kuchh yaad nahīñ
lab pe shevan nahīñ naala nahīñ fariyād nahīñ

kis qadar shoḳh mirī fitrat-e-rindāna hai
lab pe hai naam ḳhudā haath meñ paimāna hai

lab-e-ḳhamosh mirā baat se ziyāda hai
tirā firāq mulāqāt se ziyāda hai

lab-e-ḳhāmosh se ifshā hogā
raaz har rañg meñ rusvā hogā

rāt-din lab pe na ho kyūñki bayān-e-dehlī
na makīñ ab vo rahe aur na makān-e-dehlī