Tags-Lab

harf-o-lab mālūm samtoñ ke naqīb
dil safīr-e-nā-gahāñ samt-e-kalām

na kaho tum bhī kuchh na ham boleñ
aao ḳhāmoshiyoñ ke lab kholeñ

'nāz' ke lab pe har ghaḌī raqsāñ
tū hī rahtā hai guftugū ho kar

ho hindū-e-ḳhāl-e-lab terā yā tark-e-nigah ho ai qātil
dehlī thā hamārā dil shāyad jo aayā vo us ko luuT gayā

dil abas tishna-lab hai kausar kā
piv kā chāh-e-zaqan nahīñ dekhā

lab-e-rañgīñ dikhā ai ma.adan-e-husn
maiñ aqīq-e-yaman nahīñ dekhā

tum ho ki mire lab pe duā rahtī hai koī
ā.ankhoñ ne koī ḳhvāb sā dekhā hai ki tum ho

jannat-e-husn meñ kiyā haq ne
hauz-e-kausar maqām tujh lab kā

hai 'valī' kī zabāñ ko lazzat-baḳhsh
zikr har sub.h-o-shām tujh lab kā

mantiq-o-hikmat-o-ma.ānī par
mushtamil hai kalām tujh lab kā

misl-e-yāqūt ḳhat meñ hai shāgird
sāġhar-e-mai mudām tujh lab kā

husn ke ḳhizr ne kiyā labrez
āb-e-haivāñ suuñ jaam tujh lab kā

ġharq-e-shakkar hue haiñ kām-o-zabāñ
jab liyā huuñ maiñ naam tujh lab kā

ruuh baḳhshī hai kaam tujh lab kā
dam-e-īsā hai naam tujh lab kā

sabza-o-barg-o-lāla rakhte haiñ
shauq dil meñ davām tujh lab kā

rag-e-yāqūt ke qalam suuñ likheñ
ḳhat paristāñ payām tujh lab kā

vo 'nazīr' ham se jo aa milā to phir us ghaḌī se ye aish haiñ
kabhī ruḳh pe ruḳh kabhī lab pe lab kabhī sāġhar-e-mai-e-nāb hai

vo ḳhafā jo ham se hai ġhuncha-lab to hamārī shakl ye hai ki ab
kabhī rañj-e-dil kabhī āh-e-jāñ kabhī chashm-e-ġham se pur-āb hai

lab-e-tasvīr-e-dost kuchh to batā
kis ne ye ḳhāmushī sikhā dī hai

tujh sā bedād-gar kahāñ hogā
lab-e-har-zaḳhm ne duā dī hai