Tags-Lab

yaad aa.ī hai jaane kis kis kī
lab pe jab zikr us kā aayā hai

zamīñ meñ gaḌ ga.e dekh us qad-e-ra.anā ko ḳhajlat se
lab-e-jū par akaḌte the khaḌe kyā sarv lah lah kar

lab-e-bām aa ke abrū kī jhamak din sulh ke dikhlā
ki aalim dekhne ko shahar kā dauḌe hai mah mah kar

chashm-e-bīmār ne bīmār kiyā hai mujh ko
lab-e-jāñ-baḳhsh kare merī davā us se kaho

kaun suntā hai sirf zaat kī baat
lab pe hai mere kā.enāt kī baat

hameñ thī ḳhabar ye to peshtar ki hai āstīñ meñ chhupī chhurī
mile phir gale yahī soch kar chalo lab pe is ke to raam hai

gilā karo to vo kahte haiñ yuuñ raho jaise
tumhāre chehroñ pe āñkheñ nahīñ haiñ lab bhī nahīñ

aur phail jā.ūñ chāroñ taraf bāzgasht sā
lab par tirā vazīfa-e-azbar luuñ aur gā.ūñ

maslahatoñ kī is bastī meñ lab khulte ye taab na thī
vaz-e-junūñ kī baat na pūchho vo bhī ek bahāna thā

ḳhudā ko maan ki tujh lab ke chūmne ke sivā
koī ilaaj nahīñ aaj kī udāsī kā

qadam qadam pe vahī chashm o lab vahī gesū
tamām umr nazar imtihāñ meñ rahtī hai

barā.e tishna-lab paanī nahīñ hai
samundar kā koī saanī nahīñ hai

karte haiñ sifat jab ham lāl-e-lab-e-jānāñ kī
tab koī hameñ dekhe kyā la.al ugalte haiñ

har lab pe tirā naam hai ik maiñ huuñ ki chup huuñ
duniyā kī zabāñ aur hai āshiq kī zabāñ aur

lab-e-shīrīñ hai misrī yūsuf-e-sānī hai ye laḌkā
na chhoḌegā merā dil chāh-e-kan.ānī hai ye laḌkā

mujh ko banāyā mumlikat-e-ġham kā tājdār
aur mere lab pe shukr ke kalmāt bhī nahīñ

shauq-e-mai dil meñ lab pe hijv-e-sharāb
ham pe raushan haiñ sab janāb ke rañg

aatā hai jī meñ sāqi-e-mah-vash pe baar baar
lab chuum luuñ tirā lab-e-paimāna chhoḌ kar

baat kar dil satī hijāb nikāl
ġhuncha-e-lab satī gulāb nikāl

merī tanhā.iyāñ lab māñgtī haiñ
merā darvāza sadā chāhtā hai