Tags-Lab

ham māñgte rahe tire ruḳhsār o lab kī ḳhair
ai sāhab-e-jamāl tirī diid chāhiye

allāh re zof-e-sīna se har āh-e-be-asar
lab tak jo pahuñchī bhī to chaḌhī do ghaḌī ke baad

us lāl-e-lab ke ham ne liye bose is qadar
sab uḌ ga.ī misī kī dhaḌī do ghaḌī ke baad

lab-o-nigāh pe mohreñ lagī rahīñ 'tāhir'
kisī kā zor na lekin mire qalam pe chalā

mudda.ā sāmne un ke nahīñ aatā lab tak
baat bhī kyā ġham-e-dil hai ki sunā bhī na sakūñ

lab pe luknat āñkhoñ meñ vahshat hai chehra zard hai
ishtiyāq-e-hūr ne zāhid ko kaisā kar diyā

bosa-e-lab kī tum se kyā ummīd
ek biiḌā bhī paan kā na milā

lab sī liye to apne hī kamre meñ yuuñ lagā
ḳhāmosh ā.inoñ ke sivā kuchh nahīñ rahā

yā bar-lab-e-jamunā koī doshīza nahā kar
baiThī hai takalluf se adāoñ ko churā kar

aaj bhī hai vahī maqām aaj bhī lab pe un kā naam
manzil-e-be-shumār-gām apne safar ko kyā karūñ

raaz khul jaa.e phir vo raaz kahāñ
baat hī kyā jo lab pe aa jaa.e

hamāre lab na sahī vo dahān-e-zaḳhm sahī
vahīñ pahuñchtī hai yaaro kahīñ se baat chale

ai bulbul-e-dil yuuñ ġham pī kar mat chahak ki ab lab ko sī le
sab saaz burīda-hāl hue ab raag purānā mushkil hai

kis nām-e-mubārak ne maza muñh ko diyā hai
kyuuñ lab pe mire zamzama-e-sall-e-alā hai

dam kā aanā to baḌī baat hai lab par 'ārif'
zo.af ne harf-e-shikāyat kabhī aane na diyā

sadā-e-rañg kī naġhmagarī se khul na sakā
vo ek qufl jo ab tak lab-e-bahār meñ hai

kyā lams thā kyā zulf thī kyā surḳhī-e-lab thī
har rañg tirā jaise sharāboñ kī tarah thā

hosh-o-be-hoshī kī manzil ek hai raste judā
ḳhushk-o-tar saare jahāñ kā lab-ba-lab sāhil meñ hai

ruke hue haiñ ka.ī kārvāñ lab-e-dariyā
ki jaise aage koī rāsta nikālegā