Tags-Lab

jā-e-dandāñ lab-e-sofār hue ai qātil
dahan-e-zaḳhm se hogā na tirā tiir judā

lab us ke jo khulte dekhe
ek jahāñ kuchh hañstā sā hai

tere lab mohr lagā deñ to ye qissa ho tamām
daftar-e-tūl-e-shikāyāt mukammal ho jaa.e

naale hoñ ki aaheñ ai shab-e-ġham jab aa ga.iiñ lab par sabr kiyā
sahne ko to sab kuchh dil ne sahā sahne kī tarah kab sah jaanā

lab tak jo na aayā thā vahī harf-e-rasā thā
jis ko na maiñ samjhā thā vahī merā ḳhudā thā

mujhe banāyā gayā thā ḳhāmoshiyoñ kā paikar
ye ġhuncha-e-lab kisī ke isrār par khilā hai

na.e andāz se chheḌī hai ġhazal 'fāriġh' ne
ab har ik lab pe baġhāvat ke tarāne hoñge

duniyā se dar-guzar ki guzargah ajab hai ye
darpesh ya.anī 'mīr' hai jaanā jahāñ se bhī

ik tishna-lab ne chhīn liyā baḌh ke jām-e-mai
saaqī samajh rahā thā sabhī ko girā-paḌā

chand fiqre zer-e-lab taḌpā kiye
vo hameñ aur ham unheñ dekhā kiye

barg-e-gul aa maiñ tere bose luuñ
tujh meñ hai Dhañg yaar ke lab kā

gulāboñ ke hoñToñ pe lab rakh rahā huuñ
use der tak sochnā chāhtā huuñ

lab-e-shā.er pe giit raqsāñ haiñ
rūh-e-fitrat hai gosh-bar-āvāz

jī uThūñ phir kar agar tū ek bosa de mujhe
chūsnā lab kā tire hai mujh ko juuñ āb-e-hayāt

har hubāb-e-lab-e-jū jalva-gah-e-hastī hai
naqsh ban ban ke zamāne se miTā karte haiñ

ik sehr sā taarī thā 'zahīr' ahl-e-ḳhirad par
the mohr-ba-lab husn-e-dil-ārām ke aage

kis maraz kī hai davā unnāb-e-lab
ḳhatt-e-ruḳh nusḳha hai kis bīmār kā

ġhazal jo mire lab pe hai aaj aa.ī
ye ulfat ke dhāgoñ se maiñ ne bunī hai

ḳhudā jaane duā thī yā shikāyat lab pe bismil ke
nazar sū-e-falak thī haath meñ dāmān-e-qātil thā