Tags-Lab

us ne mere naam sūraj chāñd taare likh diyā
merā dil miTTī pe rakh apne lab rotā rahā

kyā ajab āvāz thī sote shikārī jaag uThe
par vo ik ghāyal parinda jāñ-ba-lab rotā rahā

muskurāhaT nahīñ aatī lab-e-sāqī pe 'shamīm'
ġham-e-daurāñ ke liye sub.h-e-najāt aatī hai

gul dil-e-ġhuncha naman tañg ho rañg-o-bū siiñ
jab kare yaad tire lab ke ta.iiñ dhyān meñ aa

gal ko sharminda kar ai shoḳh gulistān meñ aa
lab siiñ ġhunche kā jigar ḳhuuñ karo muskyān meñ aa

dahaktī dhuup meñ sāvan kī tarah rahtā huuñ
mire buzurg ke lab kī duā hī aisī hai

kyuuñ dābte haiñ hoñTh vo dāñtoñ meñ baar baar
kyā teġh-e-lab ko āb-e-guhar meñ bujhā.eñge

ai zauq-e-talab tū jo salāmat hai to kyā ġham
lab tak mire ḳhud jaam pe jaam aate raheñge

naale mire jab tak mire kaam aate raheñge
ai zauq-e-nazar vo lab-e-bām aate raheñge

ġhair leñ mahfil meñ bose jaam ke
ham raheñ yuuñ tishna-lab paiġhām ke

salīqa bolne kā ho to bolo
nahīñ to chup bhalī hai lab na kholo

hai idhar tūfān dāman-gīr 'rāhī' kyā karūñ
muntazir merā udhar koī lab-e-sāhil bhī hai

tamām umr ba-faiz-e-nigāh-e-lāla-ruḳhāñ
sanad rahā huuñ ishārāt-e-chashm-o-lab ke liye

mujhe ḳhabar hai bahut se matā-e-zauq-e-nazar
dukān-e-kākul-o-ruḳhsār-o-chashm-o-lab ke liye

ḳhūbi-e-baḳht ki jab bhuul chukā thā sab kuchh
bevafā.ī kā lab-e-ġhair se ilzām milā

jaane kyuuñ vaqt bhī āñkheñ bhī qalam bhī lab bhī
aaj ḳhāmosh haiñ guzre hue sāloñ kī tarah

kabhī soz-e-dil kā gila kiyā kabhī lab se shor-e-fuġhāñ uThā
koī ahl-e-zabt bhalā buto use kyā kare jo dhuāñ uThā

duur kavvoñ ne baiTh kar lab-e-jū
phir hilā.e thake thake baazū

ye tiir dil meñ magar be-sabab nahīñ utrā
koī to harf lab-e-chāragar se niklā thā

maiñ kyā karūñ ki zabt-e-tamannā ke bāvajūd
be-iḳhtiyār lab pe tirā naam aa gayā