Tags-Lab

shorish-e-gosh-o-lab
kaash ki tham sake

kahīñ goyā.ī ke hāthoñ samā.at ro rahī hai
kahīñ lab-basta rah jaane kī hasrat ro rahī hai

mire ḳhudā mere jism-o-jāñ ke ḳhudā mire haath jhaḌ na jaa.eñ
duā tah-e-sañg-e-lab gaḌī hai asar zarā sā asar meñ rakh de

jannat ba-nigah tasnīm ba-lab andāz us ke ai shaiḳh na pūchh
maiñ jis se mohabbat kartā huuñ insāñ hai ḳhayālī huur nahīñ

paa.e nigāh aa lage jab lab-e-manzil-e-talab
āñkheñ pur-āb ho ga.iiñ dariyā sarāb ho gayā

dil meñ dhaḌkan lab pe naale chashm-e-tar meñ ashk-e-ḳhūñ
kyā kahūñ kyā kar ga.ī terī mohabbat mere saath

jaur se nādim ho lab kā kāTnā qātil kā hai
dil ke zaḳhmoñ ko mire baḳhiya dilāne kā ilaaj

ġhuncha kaaTe thā jis ko dekh ke lab
kyuuñ sabā tujh ko vo vahāñ hai yaad

ik ishāra-e-fardā ek jumbish-e-lab kyā
dekh dikhātā hai va.ada-e-tazabzab kyā

haañ duā.eñ letā jā gāliyāñ bhī detā jā
tāzgī to kuchh pahuñche chāhtā rahūñ lab kyā

hai kis kā dahan vasf-e-lab meñ tumhāre
suḳhnavar hue be-zabāñ kaise kaise

jo lab pe na lā.ūñ vahī sheroñ meñ kahūñ maiñ
yuuñ ā.īna-e-hasrat-e-guftār banūñ maiñ

kahāñ vo girya vo naala vo jāñ-ba-lab rahnā
kisī kā kaam hamesha banā nahīñ rahtā

zauq-e-āzādī meñ jo the jāñ-ba-lab
aise qaidī jaan se jaate rahe

jāñ-ba-lab tishna-dahan jaate rahe
sāqiyān-e-bazm-e-jam aate rahe

bad-gumānī se Darā varna liyā terā jo naam
dekhnā bose kī ḳhātir maiñ lab-e-dallāla thā

vā chashm-e-tamāshā lab-e-iz.hār silā hai
koī pas-e-dīvār mujhe dekh rahā hai

tum ne ham ko jab bhī dekhā shukr-ba-lab the yā ḳhāmosh
yuuñ to aksar ro.e lekin chhup chhup kam kam duur hī duur

thā anal-haq lab-e-mansūr pe kyā aap se aap
thā jo parde meñ chhupā bol uThā aap se aap

abhī phuul phuul hai jāñ-ba-lab ye tap-e-balā tapish ġhazab
abhī khul ke abr-e-karam baras abhī aur khul ke baras baras