Tags-Lab

tumhāre meva-e-lab ko nigah se chhūte hī
ajiib lazzat-e-nāyāb paane lagte haiñ

isī kaukab kī tābānī se hai terā jahāñ raushan
zavāl-e-ādam-e-ḳhākī ziyāñ terā hai yā merā

agar hañgāma-hā-e-shauq se hai lā-makāñ ḳhālī
ḳhatā kis kī hai yā rab lā-makāñ terā hai yā merā

lab tak nahīñ aa.egā tire naam bhī merā
par dil meñ lagātār mirī yaad rahegī

lab pe takrīm-e-tamannā-e-subuk-pā.ī hai
pas-e-dīvār vahī silsila-paimā.ī hai

ham bhī suqrāt haiñ ahd-e-nau ke tishna-lab hī na mar jaa.eñ yaaro
zahr ho yā mai-e-ātishīñ ho koī jām-e-shahādat to aa.e

na kaam aayā jahāñ arz-e-hunar bhī
lab-e-iz.hār sharminda hue haiñ

jaise dariyā kināre
koī tishna-lab

vo haq kī pyaas thī dariyā to bas bahāna thā
lab-e-furāt pe kis se javāb māñgūñ maiñ

tumhāre lab kī surḳhī la.al kī mānind aslī hai
agar tum paan ai pyāre na khāoge to kyā hogā

aa jaao ye kūcha bhī rah-e-gesū-o-lab hai
zanjīr bhī ḳhanjar pe lahū bhī yahāñ sab hai

girā jo ḳhisht-e-ḳhum par sar lab-e-kausar ne chūmā hai
ki hai taqsīr-e-mai-ḳhāna hī meñ tauqīr-e-mai-ḳhāna

lab-e-sāġhar se sun lo zāhido taqrīr-e-mai-ḳhāna
shikast-e-tauba hī hai yā na.ī ta.amīr-e-mai-ḳhāna

kuchh baat kahe hañs ke to jhaḌte haiñ nire phuul
lahza ye tire is lab-e-ḳhandān meñ dekhā

larazte hoñToñ kī vo guftugū to yaad nahīñ
bas itnā yaad hai barsoñ lab-o-dahan mahke

zer-e-lab reñgtā rahtā hai tabassum 'sūraj'
is qayāmat se to aahoñ kā dhuāñ rahtā hai

jo hañsī hai lab pe sajī huī to ye sirf zabt kā farq hai
mire dil meñ bhī vahī zaḳhm haiñ mirā haal tujh se judā nahīñ

ai ḳhudā ajab hai tirā jahāñ mirā dil yahāñ pe lagā nahīñ
jahāñ koī ahl-e-vafā nahīñ kisī lab pe harf-e-duā nahīñ

samajh na mauj mire muñh meñ haiñ hazāroñ zabāñ
maiñ bahr huuñ lab-e-sāhil se baat kartā huuñ

ba-vaqt-e-zab.h bhī hilte raheñ haiñ lab mere
zi-bas-ki ḳhanjar-e-qātil se baat kartā huuñ