Tags-Lab

kahte haiñ suḳhnavar mujhe nisbat se tirī sab
rahtā hai mire lab pe 'suḳhan' aur kisī kā

kaifiyat iz.hār-e-soz-e-dil kī kuchh aisī huī
aate aate lab talak alfāz mub.ham ho ga.e

jakaḌ rakhā thā fazā ko hamāre na.aroñ ne
jo lab ḳhamosh hue to diloñ meñ Dar jaage

jab jaañ pe lab-e-jānāñ kī mahak ik bārish manzar ho jaa.e
ham haath baḌhā.eñ aur is meñ mahtāb gul-e-tar ho jaa.e

jitnā bhī sameTeñ āñkhoñ meñ rahtā hī nahīñ kuchh yaad hameñ
yārab vo tilism-e-āriz-o-lab ik roz to azbar ho jaa.e

shāyad aa pahuñchā hai ahd-e-intizār-e-guftugū
chaar jānib ḳhilqat-e-lab-bastagāñ maujūd hai

ek pal meñ dam-e-guftār se lab-e-tar ho jaa.e
tujh se jo baat bhī kar le vo suḳhan-var ho jaa.e

the shefta jo 'sāqī' ik mast-e-nosh lab ke
maiḳhāne hī ke andar apnā banā ḳhatīrā

phail kar phir shab-e-tārīk huī bahr-e-siyāh
qatra qatra lab-e-tanhā.ī se Tapke ehsās

lab-e-mantiq rahe koī na chashm-e-lan-tarānī ho
zamīñ phir se murattab ho falak par nazar-e-sānī ho

pur-asrār sī merī arz-e-tamannā
vo kuchh zer-e-lab muskurāne kī rāteñ

phuvāreñ sī naġhmoñ kī paḌtī hoñ jaise
kuchh us lab ke sunñe-sunāne kī rāteñ

chup the jo but savāl ba-lab bolne lage
Thahro ki qaus-e-barq-o-lahab bolne lage

sitam kā haath na rokā magar burā to kahā
jo zer-e-lab sabhī kahte the barmalā to kahā

hai yahī sūrat to ham se rāz-poshī ho chukī
chashm tar lab ḳhushk chehra zard ye naqsha burā

muddatoñ se maiñ tishna-lab thā 'zafar'
phir bhī sab ko pilā diyā paanī

har silsila thā us kā ḳhudā se milā huā
chup ho ki lab-kushā ho balā kā ḳhatīb thā

nazar meñ rakhte haiñ asr-e-buland-e-bāmi-e-mehr
furāt-e-jabr ke har tishna-lab se vāqif haiñ

pañkhuḌī phuul kī lab aañkh hai gahrā sāgar
abrū haiñ teġh se aur chaal qayāmat likhnā

vo misāl-e-barq numūd gum-gashtagī tabassum-e-be-amāñ
shafaq-āfrīñ sī vo mauj lab dil o jaañ meñ aag lagā ga.ī