Tags-Lab

jī meñ rakhte haiñ kaheñ bhī to kisī se kyā kaheñ
shikva un kā yuuñ to lab par baar baar aa jaa.e hai

jab kabhī nām-e-mohamād lab pe mere aa.e hai
lab se lab milte haiñ jaise dil se dil mil jaa.e hai

tishnagi-e-lab kā taqāzā hai ab
baada ho yā zahr magar chāhiye

shāyad maiñ use dekhūñ 'havas' bā-lab-e-ḳhandāñ
jaatā huuñ is ummīd pe giryāñ pas-e-mahmil

jagā sake na tire lab lakīr aisī thī
hamāre baḳht kī rekhā bhī 'mīr' aisī thī

shakar-lab ne nigāh-e-dilbarī siiñ
kiyā mujh par ināyat be-nihāyat

chitvan se taaḌ jaate haiñ 'mā.il' kā mudda.ā
dil meñ idhar savāl hai lab par udhar javāb

dil-e-hasrat-zada thā mā.ida-e-lazzat-e-dard
kaam yāroñ kā ba-qadr-e-lab-o-dandāñ niklā

shakar-lab kahā maiñ ne kaḌve hue tum
abas muñh ko mujh se sitamgar banāyā

payām-e-zer-e-lab aisā ki kuchh sunā na gayā
ishāra paate hī añgḌā.ī lī rahā na gayā

na dasht-e-jān pe barsī rafāqatoñ kī phuvār
na aañkh meñ chamak aa.ī na lab hī giile hue

bosa use de javāb yū hai jo ab savāb
tujh añge 'dā.ūd' ne lab kuuñ savālī kiyā

mire lab par zamāne kī shikāyat kis liye aa.ī
agar ye shor thā to us ko be-āvāz honā thā

apne zarf apnī talab apnī nazar kī baat hai
raat hai lekin mire lab par sahar kī baat hai

lab-o-ruḳhsār par taale paḌe haiñ
to kyā 'ḳhālid' pa.e dīdār jaanā

na jāñ-ba-lab kyuuñ marīz-e-ġham ho pa.e-ayādat na aa.e dekho
masīh kahte haiñ log jin ko vo jaan kar maar Dālte haiñ

kitnī shiddat se tire āriz-o-lab yaad aa.e
jab sar-e-shām ufuq par koī taara chamkā

dil se aatī hai baat lab pe 'hafīz'
baat dil meñ kahāñ se aatī hai

kahiye yārān-e-adam kyā guzrī
kuchh lab-e-gor se farmā.iyegā