Tags-Lab

kyuuñ paas mire aa kar yuuñ baiThe ho muñh phere
kyā lab tire misrī haiñ maiñ jin ko chabā jaatā

lab khole parī-zād ne āhista se 'sarvat'
joñ guftugū kartā hai sitāre se sitārā

hauz-e-kausar siiñ pyaas bujhtī nahīñ
us lab-e-ābdār kī saugand

gar is chaman meñ vo bhī ik hī lab-o-dahāñ hai
lekin suḳhan kā tujh se ġhunche ko muñh kahāñ hai

safā almās o gauhar se fuzūñ hai tere dandāñ kī
kahāñ tujh lab ke aage qadr-o-qīmat la.al-o-marjāñ kī

kis parde meñ hai ā.ina-pardāz ai ḳhudā
rahmat ki uzr-ḳhvāh-e-lab-e-be-savāl hai

us ke lab par ik duā hai sirf merī maut kī
mere lab par kuchh nahīñ kuchh bhī nahīñ āmīn hai

jab tak koī aa.e na lab-e-bām nikhar kar
rañg-e-shafaq-e-shām nikhartā hī nahīñ hai

kitne rishiyoñ kī kuTī meñ mire kāshāne haiñ
kitne durveshoñ ke lab par mire afsāne haiñ

kunj-e-tanhā.ī meñ yuuñ shikva-ba-lab baiThā huuñ
tañgī-e-gor-e-ġharebāñ nahīñ jiine detī

jo bosa vasl meñ māñgoñ to deñ sazā mujh ko
jo lab hilā.ūñ to vo kaaT leñ zabāñ merī

paḌī jo nazar chāñd par daf.atan
mire lab pe aa.ī duā ḳhūbsūrat

sharmā ga.iiñ jo bosa-e-lab baaġh meñ liyā
simTī haiñ kyā khilī huī kaliyāñ gulāb kī

ai 'mus.hafī' hai ahd ki jab tak na vo gul ho
gul-gasht-e-gul o sair-e-lab-e-jū na karūñ maiñ

rukī huī hai lab-e-ḳhushk par hayāt kī buuñd
phir us ke ba.ad to manzar hai Duub jaane kā

qad-e-dil-jū ko tumhāre nahīñ dekhā shāyad
sarkashī itnī jo sarv-e-lab-e-jū karte haiñ

lab-e-dariyā hai tasvīroñ kā mela
khaḌe haiñ ā.ina-bardār mere

zaḳhm haiñ dil pe kyā kyā na dekho
phuul chun lo lab-e-naġhmagar se

gardan hai jhukī nazreñ nīchī aur lab pe hai un ke tabassum bhī
hai qābil-e-dīd vo shoḳhī bhī jis vaqt ki vo sharmāte haiñ

aivān mirī ruuh ke raushan kiye jis ne
vo shoḳhi-e-yak-jumbish-e-lab yaad hai mujh ko