Tags-Lab

fuqdān-e-urūj-e-rasan-o-dār nahīñ hai
mansūr bahut haiñ lab-e-iz.hār nahīñ hai

thī ye ḳhvāhish kaheñge sab kuchh ham
un ke aage to lab bhī vā na huā

gul kī mānind mat pareshāñ ho
band kar misl-e-ġhuncha apne lab

aao hāzir sar pa.e pāmāl hai
jaan lab par bahr-e-istiqbāl hai

agarche umr ke das din ye lab rahe ḳhāmosh
suḳhan rahegā sadā merī kam-zabānī kā

jo mire lab par huā hasrat kā ḳhuun
vo buḳhār-e-shauq kā tabḳhāl hai

lab-basta dil-e-kushāda chaman meñ guzāriye
ye ġhunchagī kī rasm guloñ kā shi.ār hai

saiñkaḌoñ tūfān lafzoñ meñ dabe the zer-e-lab
ek patthar thā ḳhamoshī kā ki jo haTtā na thā

lab-e-ḳhum se nikle sadā-e-qum sar-e-dosh aise hazār ḳham
ḳham-e-āsmāñ bhī ho jis meñ gum vo siyāh abr kahāñ uThā

kuchh tabassum zer-e-lab par sharm dāman-gīr hai
uf ye kis aalam meñ khiñchvā.ī huī tasvīr hai

mujh ko tire sulūk se koī gila na thā
zahr ab pī rahā thā magar lab-kushā na thā

mohabbatoñ meñ maiñ qaa.il thī lab na khulne kī
javāb varna mire paas har savāl kā thā

ai lab-e-goyā na chhin jaa.e kahīñ ye zā.iqa
chāTiye vo zaḳhm jo sho.ala-bayānī de gayā

mai-ḳhāna hai usī kā ye duniyā usī kī hai
jis tishna-lab ke haath meñ jām-e-sharāb hai

aañkh bhar ishq aur badan bhar chaah
shukr lab bhar gila zabāñ bhar thā

ye tābish-e-lab-e-lālīñ ye shola-e-āvāz
tamām bazm tirī guftugū se raushan hai

nau-mulāzim lāl-e-lab ko le ga.e tanḳhvāh meñ
be-talab rahtā hai ye naukar tirī sarkār kā

pyaas uḌtī hai lab-e-hijr pe mānind-e-ġhubār
vasl kī jhiil pe pahre se lage rahte haiñ

dikhā ke jumbish-e-lab hī tamām kar ham ko
na de jo bosa to muñh se kahīñ javāb to de

jab ḳhayāloñ meñ tumheñ paas biThā.ūñ aksar
miir ke sher hoñ lab par unheñ gā.ūñ aksar