Tags-Lab

ab ke hai lab-e-āb hī mar jā.eñge
pyaas aisī hai ki bujhtī hī nahīñ paanī se

yuuñ muskurā.e jaan sī kaliyoñ meñ paḌ ga.ī
yuuñ lab-kushā hue ki gulistāñ banā diyā

itnī sī is jahāñ kī haqīqat hai aur bas
guftār zer-e-lab hai samā.at hai aur bas

hāsil-e-ulfat na dekhā juz-shikast-e-ārzū
dil-ba-dil paivasta goyā yak lab-e-afsos thā

har ghaḌī us lab-e-shīrīñ kā tasavvur 'aḳhgar'
talḳh jiine kā mazā karte ho kyā karte ho

roz o shab kī gardisheñ dil ko badal paa.ī nahīñ
ā.īñe meñ garche haiñ ruḳhsār o lab badle hue

hamārā kyā hameñ to Dūbnā hai Duub jā.eñge
magar tūfān jā pahuñchā lab-e-sāhil to kyā hogā

agarche dekhe haiñ zulf-o-lab ke hasīn sapne to kyā ġhalat hai
nazar ke khetoñ meñ ḳhvāb bone kī hasrateñ bhī na.ī nahīñ haiñ

be-samar peḌoñ ko chūmeñge sabā ke sabz lab
dekh lenā ye ḳhizāñ be-dast-o-pā rah jā.egī

thā magar itnā ziyāda to junūñ-ḳhez na thā
pahle dekhā thā to lab hī thā ye labrez na thā

un ke lab haiñ mirī shikāyat hai
kitnā badlā hai vaqt-e-hairat hai

ishq chāhe ki lab ko jaam likhe
husn ko inkisār kī zid hai

sukūt-e-lab ko mire arz-e-hāl hī samjho
mirī anā-e-ḳhafī ko savāl hī samjho

vahī muzāfātoñ ke bhed bhare sannāToñ vaale ghar
guḌiyoñ ke lab sī kar un kā byaah rachātī do-pahreñ

ham se ruḳhsār vo lab bhuul ga.e
zindagī karne kā Dhab bhuul ga.e

nazzāra jo hotā hai lab-e-bām tumhārā
duniyā meñ uchhaltā hai bahut naam tumhārā

adā dil se kareñge shukr sab ahl-e-vatan yārab
mai-e-ishrat se jo un kā liyā lab to subū kar de

hubāb-e-lab-e-jū kī mānind aah
ḳhabar jald le koī dam ko chalā

ye gulistāñ ye lab-e-jū ye parindoñ ke hujūm
phuul par TuuT ke bhauñroñ kā ye raqs-e-ma.asūm

guloñ kī laalī shagufta aariz pe fasl-e-gul kī safīr Thahrī
nashīle lab kī halāvatoñ se dhaḌaktā naġhma tirā qayāmat