Tags-Lab

tamām umr rahīñ zer-e-lab mulāqāteñ
na us ne baat baḌhā.ī na ham ne hoñT siye

dil ho saaqī lab-e-dariyā sāġhar
sahl hai pyaas bujhānī merī

lab par se bulāq apnī dam-e-bosa uThā do
andesha-e-zambūr-e-asal jaa.e to achchhā

ab jā ke kuchh khulā hunar-e-nāḳhūn-e-junūñ
zaḳhm-e-jigar hue lab-o-ruḳhsār kī tarah

lab-e-gul-rañg par hai ḳhāl-e-mushkīñ
magas aur phuul kī pattī ko chūse

vo sirf haq jo mire lab se āshkār huā
sukūt-e-dair meñ ik umr gūñjtā rahā hai

jo baat sukūt-e-lab tak hai us se na ulajh ai jazba-e-dil
kuchh arz-e-hunar kī laag rahe kuchh mere junūñ kā kaam chale

maiñ ne zabān dī hai to lab vā karūñgā kyā
lekin zabān-e-ḳhalq se tash.hīr ho na jaa.e

bosa to us lab-e-shīrīñ se kahāñ miltā hai
gāliyāñ bhī milīñ ham ko to milīñ thoḌī sī

ai 'mus.hafī' hameñ to gavārā nahīñ ye niish
nosh us ke lab se chūse qadah aur qadah se ham

haa.e ādāb-e-mohabbat ke taqāze 'sāġhar'
lab hile aur shikāyāt ne dam toḌ diyā

aa.ī kyuuñ un kī shikāyat lab tak
ham ko ḳhud us kī pashemānī hai

ek aañkh thī aadhe lab the
aur ik choTī lambī sī

ab koī kyā kare jo ba-sad sa.ī-e-zabt-e-rāz
aa jaa.e lab pe naam tumhārā kabhī kabhī

dil hamāre liye dhaḌaktā hai
lab hamāre ḳhilāf bolte haiñ

gulgūñ lab-o-ruḳhsār ke sadqe meñ shafaq ko
ye rañg kī daulat ba-ḳhudā tujh se milī hai

vo be-ḳhudī meñ tirā naam lab pe aa hī gayā
lo ye qasam bhī mire yaar toḌ dī maiñ ne

mire jasārat-e-tarz-e-suḳhan kī daad to de
rivāyat-e-lab-o-ruḳhsār toḌ dī maiñ ne

Dar hai ki tere haath se sāġhar na chhīn leñ
ham tishna-lab ai sāqī-e-gulfām kyā kareñ

ik pal ko lab pe aa.ī hañsī phir palaT ga.ī
yaad aa gayā ho jaise koī kaam kyā kareñ