Tags-Mausam

hijr ke mausam kī kuchh mat pūchhiye uf dāstāñ
maiñ yahāñ betāb huuñ to vo vahāñ bechain hai

yūñhī mausam kī adā dekh ke yaad aayā hai
kis qadar jald badal jaate haiñ insāñ jānāñ

ham-rañgī-e-mausam ke talabgār na hote
saaya bhī to qāmat ke barābar nahīñ miltā

mujhe kyuuñ azīz-tar hai ye dhuāñ dhuāñ sā mausam
ye havā-e-shām-e-hijrāñ mujhe raas hai to kyuuñ hai

bichhaḌte vaqt vo taqsīm kar gayā mausam
bahār us kī taraf hai ḳhizāñ hamārī taraf

ban ga.e sahrā meñ ghar lekin gharoñ meñ aaj tak
rau vahī vahshat kī hai mausam vahī sahrā kā hai

apnī dhartī jaisā koī aur nahīñ
lauT ke vāpas aao mausam achchhā hai

khiḌkī khol ke dekho mausam achchhā hai
chiḌiyo par phailāo mausam achchhā hai

kaise kaise dukh jhele the raste meñ
zaḳhmoñ ko sahlāo mausam achchhā hai

va.ade chuum rahe haiñ apnī chaukhaT ko
jhūmo nācho gaao mausam achchhā hai

ḳhatm na hone denā apnā josh-o-junūñ
ishq ko saath milāo mausam achchhā hai

sachchā.ī ke rañg havā meñ phail ga.e
chunarī ko lahrāo mausam achchhā hai

faroġh-e-san.at-e-qad-āvarī kā mausam hai
subuk hue pe bhī niklā hai qadd-o-qāmat kyā

kuchh to surāġh mil sake mausam-e-dard-e-hijr kā
sañg-e-jamāl-e-yār par naqsh koī banā.iye

kis lagan kis tamannā se kis chaav se mausam-e-rañg-o-nik.hat ko dī thī sadā
kyā ḳhabar thī ki abr-e-bahār-āfrīñ aag ke phuul gulshan pe barsā.egā

ḳhushiyoñ kī rut par bhī un ke pahre haiñ
be-mausam ke phuul khileñ to khilne do

lahlahātā hai dil-e-ishrat meñ roz o shab vo naḳhl
jis ke barg o shāḳh meñ mausam mahaktā hai tirā

qafas meñ 'mīr' nahīñ josh daaġh siine par
havas nikālī hai ham ne bhī gul ke mausam kī

mausam hai sard-mehr lahū hai jamāv par
chaupāl chup hai bhiiḌ lagī hai alaav par

mausam se saaz ġhairat-e-gulshan se be-niyāz
hairat hai mujh ko apne chaman ke subhāv par