Tags-Mausam

ināyateñ haiñ tirī dhuup sard mausam kī
baḌhe jo had se to baiThe bhalā kahāñ koī

zarā sī der to mausam ye aarzū kā rahe
abhī bhī qalb o jigar meñ zarā harārat hai

mausam-e-gul meñ bhī 'jalīl' afsos
dāman apnā guloñ se bhar na sakā

ro.uuñ to ḳhush ho ke piye hai vo mai
samjhe hai mausam ise barsāt kā

tū phuul kī mānind na shabnam kī tarah aa
ab ke kisī be-nām se mausam kī tarah aa

ye mausam ke sabhī rañgoñ meñ Dhal kar
mizāj-e-ādamiyat likh rahā huuñ

us ek rañg pe qurbān dil ke sab mausam
jo rañg shiddat-e-jazbāt par utartā hai

ye shāḳh-e-gul hai ā.īn-e-numū se aap vāqif haiñ
samajhtī hai ki mausam ke sitam hote hī rahte haiñ

mehrbāñ qatroñ kī bārish abr-e-ā.inda meñ hai
fasl-e-imkāñ ab ke mausam be-samar hai bhī to kyā

kab kā guzar chukā hai vo mausam shabāb kā
ab zikr hai fuzūl vafā kī kitāb kā

sar ke uupar ḳhaak uḌī to sab dil thaam ke baiTh ga.e
ḳhabar nahīñ thī guzar chukā hai mausam abr-e-navāzish kā

ḳhizāñ kī bad-havāsī us ke chehre se hai zāhir
jahāñ ko mausam-e-gul kī ḳhabar karne kā din hai

abhī na jeb na dāman na āstīñ kā pata
yaqīn-e-mausam-e-gul ho to intizām kareñ

hañs hañs kar jo phuul khilā.e the tum ne
is mausam meñ sab murjhā.e jaate haiñ

ik ishq kā ġham aafat aur us pe ye dil aafat
yā ġham na diyā hotā yā dil na diyā hotā

mo.ajizoñ pe zinda haiñ aur duā.eñ karte haiñ
hijratoñ ke mausam meñ bārisheñ nahīñ hotīñ

apne mausam meñ pasand aayā hai koī chehrā
varna mausam to badalte rahe chehrā hai vahī

dil ke vīrāne meñ ik phuul khilā rahtā hai
koī mausam ho mirā zaḳhm harā rahtā hai

chaman meñ jā ke garebāñ ko chaak kar 'nātiq'
sunā hai mausam-e-gul tere intizār meñ hai

kahāñ ga.e mire mausam vo ārzūoñ ke
kahāñ gayā jo zamāna mire shabāb kā thā