Tags-Mausam

mausam-e-dil ne bikhere dil ke bāhar apne rañg
rañg-e-gul us ke liye rañg-e-ḳhizāñ mere liye

mausam-e-husn to thā fasl-e-jafā bhī aa.ī
saath hī saath javānī kī adā bhī aa.ī

vaqt par nikle the aur ab tak pahuñch jaate bhī ham
biich meñ lekin muā aamoñ kā mausam paḌ gayā

bhārat pyārā desh hamārā sab deshoñ se nyārā hai
har rut har mausam is kā kaisā pyārā pyārā hai

baaġh kī samt se aatī hai havā sahmī huī
kaun is habs ke mausam meñ sadākār huā

maiñ kis ko kyā kahūñ ma.asūm haiñ saare ba-zāhir to
badal jaatā hai lekin daf.atan mausam zamāne meñ

mere muhtāj nahīñ haiñ ye badalte mausam
maan letā huuñ magar dil bhī burā hotā hai

āñkhoñ se mohabbat ke ishāre nikal aa.e
barsāt ke mausam meñ sitāre nikal aa.e

bahāroñ ke mausam tumheñ DhūñDte haiñ
tumheñ chāhte haiñ tumheñ pūjte haiñ

sulag rahā hai chaman meñ bahār kā mausam
kisī hasīn ko āvāz do ḳhudā ke liye

kirchī kirchī ḳhvāhisheñ āñkhoñ meñ chubh kar rah ga.iiñ
zard mausam aas kī hariyāliyoñ ko khā ga.e

asr-e-hāzir ko sunātā huuñ is andāz meñ sher
mausam-e-gul ho mazāroñ pe gul-afshāñ jaise

iḳhtilāfāt usī mausam-e-gul se haiñ jo 'shād'
ḳhār-baḳhtoñ ko kalī de ke chale jaate haiñ

us ek vīrān peḌ par ab ka.ī parindoñ ke ghoñsle haiñ
jo pichhle mausam meñ likh gayā thā vo naam maiñ DhūñDtā rahā huuñ

tāzgī vaj.h-e-shaguft-e-ḳhātir-e-ālam rahe
merī duniyā meñ hamesha ek hī mausam rahe

rañg ḳhushbū aur mausam kā bahānā ho gayā
apnī hī tasvīr meñ chehra purānā ho gayā

ashkoñ se dhul ke ā.ina-ḳhāna badal gayā
bārish huī to mausam-e-rafta badal gayā

shāḳh se TuuT ke be-hurmat haiñ vaise bhī be-hurmat the
ham girte pattoñ pe malāmat kab mausam mausam na huī

pūrab pachchhim uttar dakhkhin har jānib hai ek hī haal
koī bhī mausam ho ġham kī chaltī hai purvā.ī bahut

be-ḳhauf havāoñ kā abhī zor hai qaa.em
mausam kī tarah badleñge hālāt kisī din