Tags-Mausam

aisā na ho ki ḳhvāb bhī jhaḌ jaa.eñ niiñd se
mausam yahāñ ho sard pa itnā ḳhafā na ho

patjhaḌ meñ bhī har gul pe bahār aa.e yaqīnan
gulshan se agar mausam-e-hijrāñ ko nikālo

ik dhuup zindagī ko yuuñ sahrā banā ga.ī
aa.e na is ujaaḌ meñ mausam bahār ke

tū mausam-e-gul meñ bhī gurezāñ rahā mujh se
maiñ shāḳh-e-burīda thā magar terī taraf thā

shaguft-e-jāñ ke liye khīñch rañj-e-mahrūmī
bahār ke sabhī mausam ḳhizāñ meñ rahte haiñ

guzartā hai jis ā.īne se bhī mausam sharāroñ kā
chaman ko saath le jaatā hai sahrā chhoḌ jaatā hai

ye nazar hai ki koī mausam hai
ye sabā hai ki vabāl aayā hai

chehra lāla-rañg huā hai mausam-e-ranj-o-malāl ke baad
ham ne jiine kā gur jaanā zahr ke istimāl ke baad

jaane kyā soch ke ḳhush baiThā huuñ
mausam-e-gul bhī nahīñ tū bhī nahīñ

zard mausam kī havāoñ meñ khaḌā huuñ maiñ bhī
aur is soch meñ gum huuñ ki harā huuñ maiñ bhī

ḳhushk peḌoñ par na.e mausam ugāne ke liye
zard pattoñ kī ye tahrīreñ miTā dī jā.eñgī

hai mausam-e-dīvāngī phir chaak ījād mirī
lauTā rahe haiñ pahle kā ḳhayyāt kaam aayā huā

kise ḳhabar hai ki kab ye mausam uḌā ke rakh degā ḳhaak 'āzar'
tum ehtiyātan zamīñ ke sar par falak kī chādar hī Daal rakhnā

ujaaḌ mausam meñ ret-dhartī pe fasl boī thī chāñdnī kī
ab us meñ ugne lage añdhere to kaisā jī meñ malāl rakhnā

jalte mausam meñ koī fāriġh nazar aatā nahīñ
Dūbtā jaatā hai har ik peḌ apnī chhāñv meñ

hamārī dostī ke biich ḳhud-ġharzī bhī shāmil hai
ye be-mausam kā phal hai ye bahut mīThā nahīñ hogā

tum aaj saarī samtoñ meñ barf se merā naam likhte ho
tum jānte ho mausam ke saath is barf ko pighalnā hai

imāratoñ kī bulandī pe koī mausam kyā
kahāñ se aa ga.ī kachche makān kī ḳhushbū

garm mausam se pareshāñ sab hue
jism ThanDā kar de ai rab dhuup kā

dekh ab qurb kā mausam bhī na sarsabz lage
hijr hī hijr marāsim meñ samoyā kaisā